کاستامونو (اصل میڈیا ڈیسک) ترکی بحیرہ اسود علاقے میں سیلاب کی تباہ کاریوں کے نتیجے میں اموات کی تعداد 70 تک پہنچ گئی ہے۔
محکمہ آفات و ہنگامی حالات AFAD کے جاری کردہ بیان کے مطابق سیلاب کی وجہ سے ضلع کاستامونو میں 60 ، ضلع سینوپ میں 9 اور ضلع بارتین میں ایک شخص ہلاک ہو گیا ہے۔
AFAD نے سیلاب کی وجہ سے سینوپ اور کاستامونو میں 47 افراد کے لاپتہ ہونے کا بھی اعلان کیا ہے۔
بیان کے مطابق 8 سیلاب زدگان ہسپتالوں میں زیرِ علاج ہیں۔
سیلاب کے بعد بارتین کی تحصیل اولوس سے 341، کاستامونو سے 1480، سینوپ کی تحصیل آیانجک اور محلّوں سے 560 سیلاب زدگان کو محفوظ مقامات پر منتقل کیا جا چکا ہے۔
تینوں متاثرہ اضلاع میں امدادی کام بغیر کسی وقفے کے جاری ہے۔
ترکی معاشی، زرعی اور تجارتی شعبوں میں ترقی کی منازل طے کر رہا ہے: ایردوان
افغانستان سے امریکی فوج کی واپسی کے فیصلے پر شرمندگی نہیں، اپنے مشن میں کامیاب ہوئے: جوبائیڈن
