استبول (جیوڈیسک) ترکی کے مشرقی علاقے میں خود کش حملے میں دو فوجی ہلاک اور 24 زخمی ہوگئے ہیں۔
اتوار کی صبح کو اگری صوبے کے علاقے دوغو بائزت میں کردش ورکرز پارٹی (پی کے کے) کے جنگجوؤں نے 2 ٹن وزنی بارود سے بھری گاڑی ایک فوجی پولیس اسٹیشن سے ٹکرادی جس کے نتیجے میں 2 اہلکار ہلاک اور24زخمی ہوگئے۔
دوسری جانب ترک فضائیہ کے جانب سے شمالی عراق میں کرد جنگجوؤں کے ٹھکانوں پر مسلسل گولہ باری جاری ہے اور کردوں کی جانب سے ترک افواج پر حملے بھی جاری ہیں۔
واضح رہے کہ ترکی نے کردوں کے مسائل حل کرنے کے لیے انہیں مزید خود مختاری اور مراعات بھی دی ہیں لیکن دونوں فریقین کے درمیان تناؤ میں اضافہ ہوتا جارہا ہے،اس سے ایک روز قبل ترکی کے صوبے کارس میں بارودی سرنگ پھٹنے سے ایک فوجی ہلاک ہوگیا تھا جس کا الزام بھی کرد جنگجوؤں پر عائد کیا گیا تھا۔
بھارت کی مختلف ریاستوں میں موسلا دھار بارش سے 70 افراد ہلاک
ایران کے ساتھ معاہدے سے خطہ زیادہ محفوظ ہو گیا، جان کیری
