اسلام آباد (جیوڈیسک) اسلام آباد جمعییت علمائے اسلام کے سربراہ مولانا فضل الرحمن کا کہنا ہے کہ الزام تراشیوں سے ڈی آئی خان جیل توڑنے کے واقعے کو چھپایا نہیں جا سکتا۔ بائیس اگست کو گولڈ سمتھ ایجنڈا دفن کر دیں گے۔
ایک بیان میں مولانا فضل الرحمن نے کہا ہے کہ خیبر پختون خوا کی نااہل حکومت جلد زمین بوس ہو جائے گی۔ ان کا کہنا تھا کہ وہ گالی کا جواب گالی سے نہیں دیں گے لیکن گالی دینے والے خود ساختہ لیڈر یا اس کی جماعت کو کامیاب بھی نہیں ہونے دیں گے۔
مولانا فضل الرحمن نے الزام لگایا کہ عمران خان نے امریکی دبا پر ہی طالبان سے مذاکرات پر موقف تبدیل کیا ہے۔ انہوں نے یہ سوال بھی اٹھایا کہ خیبر پختونخوا کے تعلیمی نصاب سے جہاد اور ختم نبوت کے موضوعات کیوں نکالے جا رہے ہیں۔
وزیر اعظم کی سیلاب متاثریں کی ہر ممکن امداد کی یقین دہانی
سندھ، نئے بلدیاتی نظام کا مسودہ قانون، فنکشنل لیگ کی سفارشات پیپلزپارٹی کو پیش
