امریکی سفیر رچرڈاولسن نے وفاقی وزیرداخلہ چوہدری نثار علی خان سے ملاقات کی اور پاک امریکہ اسٹریٹجک ڈائیلاگ جلد شروع کرنے کی ضرورت پر زور دیا جبکہ وفاقی وزیر کا کہنا تھا کہ پاکستان اسٹریٹجک ڈائیلاگ جلد شروع کرنے کیلئے ہر ممکن اقدامات کرے گا۔ اسلام آباد میں ہونیوالی ملاقات میں باہمی تعلقات اورجان کیری کے حالیہ دورے کے حوالے سے باہمی دلچسپی کی امور پر تبادلہ خیال کیا گیا۔
اس موقع پر وفاقی وزیر داخلہ چوہدری نثار علی خان کا کہنا تھا کہ پاکستان امریکہ کے ساتھ باہمی احترام اور مفاہمت پر مبنی تعلقات کا خواہاں ہے۔ وفاقی وزیرداخلہ نے امید ظاہر کی کہ جان کیری کا حالیہ دورہ معاشی سیاسی اور اسٹریٹجک تعلقات کیلئے بارآور ثابت ہوگا۔ ان کا کہنا تھا کہ جان کیری اپنی بہتر خدمات کے باعث پاکستان میں زیادہ سراہے جاتے ہیں۔
چوہدری نثارنے کہا کہ ن لیگ کے اپوزیشن میں رہتے ہوئے جان کیری سے اچھے روابط استوار رہے، اس موقع پر امریکی سفیر رچرڈاولسن کا کہنا تھا کہ جان کیری کے حالیہ دورے کے تحت پاک امریکہ اسٹریٹجک ڈائیلاگ جلد شروع کرنے کی اشد ضرورت ہے وفاقی وزیرداخلہ کا کہنا تھا کہ اسٹریٹجک ڈائیلاگ دونوں ممالک کے حق میں ہے اور ڈائیلاگ جلد شروع کرنے کیلئے ہر ممکن اقدامات کریں گے۔
چوہدری نثار علی خان نے امریکی سفیر کو دہشتگردی سے نمٹنے کیلئے آئندہ قومی سلامتی پالیسی اور انسدادد ہشتگردی کے حوالے سے اختیار کی جانیوالی حکمت عملی کی تفصیلات سے آگاہ کیا۔ چوہدری نثار کا کہنا تھا کہ کسی بھی قوم کیلئے قومی سلامتی کی پالیسی کے بغیر دہشتگردی سے نمٹنا ممکن نہیں، قومی سلامتی پالیسی کا اعلان آئندہ چند ہفتوں میں ہوگا۔
پیپلز پارٹی دیہی و شہری کی تقسیم چاہتی ہے، برطانوی نظام نافذ کر دیا، الطاف حسین
چیرمین سول ایوی ایشن تقرر کیس: مقدمے کی مزید کارروائی دو ستمبر تک ملتوی
