اسلام آباد (جیوڈیسک) پاکستان میں توانائی بحران پر قابو پانے کے لئے امریکی حکومت ہوا سے چلنے والے بجلی گھر کی تعمیر کرے گی جس سے 1 ہزار 750 میگا واٹ بجلی پیدا کی جاسکے گی۔
امریکی سفارت خانے کے جاری کردہ اعلا میہ کے مطابق امریکا پاکستان میں توانائی بحران پر قابو پانے کے لئے مدد فراہم کریگا، جس کے لئے امریکی الیکٹرک کمپنی جنرل الیکٹرک، پاکستان میں بجلی گھر کے لئے ٹربائین فراہم کریگی جس سے ایک ہزار 7 سو 50 میگا واٹ بجلی بنائی جاسکے گی۔
اس منصوبے کو مکمل کرنے کے لئے امریکی بینک او پی آئی سی سرمایہ کاری کریگا۔ اعلامیہ میں مزید کہا گیا ہے کہ یہ پاور پروجیکٹ 2015 کے آخر تک مکمل کر لیا جائے گا جس سے پاکستان میں توانائی بحران پر قابو پانے کے لئے مدد ملے گی۔
روس کا پاکستانی فوڈ پروڈکٹس کی درآمد پر عائد پابندی اٹھانے کا فیصلہ
ایس ای سی پی، 63 کمپنیوں کو شوکاز نوٹس جاری
