کیف (جیوڈیسک) یوکرین کے بحران زدہ مشرقی علاقوں میں جھڑپوں کے دوران 19 یوکرینی فوجیوں سمیت 25 افراد ہلاک ہو گئے۔
یوکرینی فوج کے ترجمان نے کیف میں میڈیا کو بتایا کہ گزشتہ 24 گھنٹوں کے دوران علیحدگی پسندوں کے ساتھ جھڑپوں میں19 فوجی ہلاک جبکہ 78 دیگر زخمی ہوئے، ادھر روس نواز علیحدگی پسندوں کی طرف سے بتایا گیا ہے کہ باغیوں کے زیر قبضہ شہر ڈونیتسک میں ایک مارٹر حملے کے نتیجے میں 7 افراد ہلاک ہوئے ہیں۔
باغیوں نے فوجی ہیڈکوارٹرز کے قریب راکٹوں سے حملہ کیا، 2 راکٹ سول آبادی پر گرے اور علاقے میں آگ لگ گئی، آگ نے فوجی ہیڈکوارٹر کو بھی اپنی لپیٹ میں لے لیا۔
چین نے دہشت گردوں کے خلاف افغان طالبان سے مدد مانگ لی
تائیوان، ڈائریکٹر جیل کو یرغمال بنانے والے چھ قیدیوں کی خود کشی
