کیف (جیوڈیسک) روسی صدر ولادی میر پیوٹن کی جانب سے فوج کشی کی دھمکی کے بعد یوکرین نے اپنی فوجوں کو تیار رہنے کا حکم دے دیا ہے۔
غیرملکی خبر ایجنسی کے مطابق یوکرین کے وزیراعظم آرسنی یتسینیوک کا کہنا ہے کہ روسی صدر کی جانب سے فوجی مداخلت کا بیان دھمکی نہیں بلکہ یوکرین کے خلاف جنگ کا اعلان ہے جب کہ یوکرین کی سلامتی کونسل نے بھی فوج کو ہائی الرٹ رہنے کا حکم دیا ہے۔ دوسری جانب امریکا نے یوکرین پر فوج کشی کی صورت میں روس کو معاشی طور پر تنہا کرنے کی دھمکی دے دی ہے۔
واضح رہے کہ یوکرین میں سیاسی بحران اس وقت مزید شدت اختیار کر گیا جب کہ یوکرین کی بحریہ کے سربراہ نے اتوار کو غیر تسلیم شدہ روس نواز سربراہ کی موجودگی میں کرائمیا سے وفاداری کا حلف بھی اٹھا لیا جسے یوکرین کی عبوری حکومت نے بغاوت قرار دیا ہے۔
مسلمان میرے سیاسی مخالفین کو منہ توڑ جواب دیں، انتہا پسند نریندر مودی کی اپیل
عراق، فورس کی کارروائی اور پرتشدد واقعات، 50 جنگجوؤں سمیت 70 ہلاک
