ماموں بھانجے،سابق اراکین اسمبلی سردار فیض ٹمن اورسردار ممتاز ٹمن میں دوریاں برقرار،اتحاد نہ ہو سکا
Posted on April 11, 2013 By Tahir Webmaster سٹی نیوز
تلہ گنگ : ماموں بھانجے،سابق اراکین اسمبلی سردار فیض ٹمن اورسردار ممتاز ٹمن میں دوریاں برقرار،اتحاد نہ ہو سکا،دوستوں کی مشاورت کے بعد حتمی فیصلہ کروں گا ،سردار فیض ٹمن،تفصیلات کے مطابق سابق رکن اسمبلی سردار فیض ٹمن نے قومی و مقامی اخبارات میں شائع ہونے والی ان خبروں کی سخت تردید کی ہے۔
مسلم لیگ (ن) کے متوقع امیدوار سردار ممتاز ٹمن کے ساھ انکا اتحاد ہو چکا ہے،سردار فیض ٹمن نے کہا کہ دوستوں کی مشاورت کے بعد حتمی فیصلہ کریں گے،انہوں نے کہا کہ ن لیگ کے امیدوار کے ساتھ انتخابی اتحاد کی خبروں میں کسی قسم کی صداقت نہیں۔
انہوں نے کہا کہ آنے والے انتخابات میں کسی بھی امیدوار کی حمایت کا حتمی فیصلہ دوستوں کے ساتھ مشاورت کے بعد کیا جائے گا،باقاعدہ اعلان سے قبل کسی خبر یا افواہ کو حتمی نہ سمجھا جائے۔
