انوکھی واردات، کرایہ پر کیمرہ لینے کا جھانسہ دے کروارداتیہ مووی میکرز کو لاکھوں کا چونا لگا کر فرار ہوگیا
Posted on August 4, 2013 By Geo Urdu گجرات
گجرات (جمیل احمدطاہر) انوکھی واردات، کرایہ پر کیمرہ لینے کا جھانسہ دے کروارداتیہ مووی میکرز کو لاکھوں کاچونا لگاکر فرار ہوگیا، اس سلسلہ میں بتایا جاتا ہے کہ نثار شاہ نامی نوجوان جواکثر مووی میکرز سے کرائے پر کیمرے لے جاکر مووی بناتا تھا اور سب اس پراعتماد کرتے ہوئے اسے اپنے نئے کیمرے بھی دے دیتے تھے، گزشتہ روزلالہ موسیٰ سمیت ڈنگہ، کھاریاں، گلیانہ، گجرات اور پھالیہ میں مووی میکرز سے مجموعی طورپر 31 مووی کیمرے لے کر فرار ہوگیا،لالہ موسیٰ میں متاثر ہونے والوں میں حراء موویز ریلوے روڈ، ردہم موویز چرچ روڈ، پوما موویز، سٹار موویز، پائل موویز، چوائس موویز، ویری موویز چاندنی چوک شامل ہیں اکثر دکانداروں کے دودو تین تین کیمرے شامل ہیں ۔یہ بھی معلوم ہواہے کہ طاہربٹ موویز والوں کی ضمانت پر ملزم نے دس کیمرے کرائے پرحاصل کئے تھے۔ بتایا جاتا مووی کیمرہ کی قیمت کم ازکم ایک لاکھ روپے ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نواحی گائوں چک پیرانہ کے قریب نامعلوم شخص ٹرین کی زد میں آکر جاں بحق
گجرات (جمیل احمدطاہر) نواحی گائوں چک پیرانہ کے قریب نامعلوم شخص ٹرین کی زد میں آکر جاں بحق، تفصیل کے مطابق گزشتہ روز دوپہر کے وقت نامعلوم شخص چک پیرانہ کے قریب تیز رفتار ٹرین کی زدمیں آکر جاں بحق ہوگیا، متوفی کی نعش رات بھر پولیس گاڑی میں پڑی رہی صحافیوں نے نعش کی تدفین بارے ٹی ایم اے حکام سے دریافت کیا تو ان کا کہنا تھا کہ پولیس ایف آئی آراور پوسٹمارٹم مکمل کرے تو ہم نعش کے کفن دفن کا انتظام کردینگے، ایدھی سنٹرلالہ موسیٰ نے غسل،کفن کے بعد میت کولاوارث قرار دے کر شیخاں والے قبرستان میں دفن کردیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک کے دیگر حصوں کی طرح لالہ موسیٰ میں زلزلے کے شدید جھٹکے محسوس کئے گئے
گجرات (جمیل احمدطاہر) ملک کے دیگر حصوں کی طرح لالہ موسیٰ میں زلزلے کے شدید جھٹکے محسوس کئے گئے۔ تفصیل کے مطابق لالہ موسیٰ اور گردونواح میں رات تقریباً دوبجے زلزلے کے شدید جھٹکے محسوس کئے گئے لوگ کلمہ طیبہ کا ورد کرتے ہوئے گھروں سے باہر نکل آئے۔ تاہم شہر اور گردونواح میں کہیں بھی کسی جانی ،مالی نقصان کی اطلاع نہیں ملی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انجمن طلباء اسلام اور اہلسنت والجماعت کے ممتازعالم دین حضر ت مولانا محمد یعقوب قادری کے قتل کی پرزور مذمت کرتے ہیں
گجرات (جمیل احمدطاہر) انجمن طلباء اسلام اور اہلسنت والجماعت کے ممتاز عالم دین حضر ت مولانا محمد یعقوب قادری کے قتل کی پرزور مذمت کرتے ہیں اور حکومت سے مطالبہ کرتے ہیں کہ قاتلوں کو گرفتار کر کے قرار واقعی سزادی جائے۔ ان خیالات کا اظہاراے ٹی آئی کے مرکزی راہنماء حافظ محمد اقبال سیالوی، ممتاز سنی راہنماء صاحبزادہ عثمان عزیز قادری نے اپنے مشترکہ بیان میں کیا انہوں نے کہاکہ بدقسمتی سے ملک میں علماء اہلسنت کو کوئی تحفظ نہیں حکومت کو چاہئے کہ علماء اہلسنت کے تحفظ کو ہرممکن یقینی بنائے اور کالعدم تنظیموں کے کارکنوں پر کڑی نظر رکھی جائے۔
