ابو ظہبی (جیوڈیسک) متحدہ عرب امارات کی عدالت نے القاعدہ کی ایک ذیلی تنظیم سے تعلق کے الزام میں 7 غیر ملکیوں کو قید اور جرمانے کی سزائیں سنائی ہیں۔
عرب ویب سائیٹ کے مطابق متحدہ عرب امارات کی دارالحکومت ابو ظہبی میں وفاقی عدالت عظمیٰ کے اسٹیٹ سیکیورٹی سرکٹ نے 9 افراد کے خلاف مقدمے کی سماعت کی ، ملزمان پر القاعدہ سے وابستہ سیل میں شرکت۔
شام میں برسرپیکار جنگجو گروپ النصرۃ فرنٹ میں شمولیت کے لئے لوگوں کو بھرتی کرنے اور بیرون ملک دہشت گردی کی سرگرمیوں کے لئے چندہ جمع کرنے کے الزامات عائد کئے گئے تھے، عدالت نے سماعت مکمل ہونے کے بعد 9 میں سے ایک ملزم کو عمر قید اور 6 کو 7،7 سال قید اور دو لاکھ 72 ہزار دالکرز فی کس جرمانے کی سزا سنائی ہے جبکہ 2 کو ناکافی شہادتوں کی وجہ سے بری کردیا گیا ہے۔
عدالت کی جانب سے مجرم قرار دیئے گئے تمام افراد غیر ملکی ہیں تاہم کی شہریت ظاہر نہیں کی گئی ہے، وزارت قانون کا کہنا ہے کہ ملزمان کو سزا پوری ہونے کے بعد ان کے آبائی ملک بھجوا دیا جائے گا۔
مقبوضہ کشمیر : پولیس کی فائرنگ، ایک نوجوان جاں بحق، 4 زخمی
برازیل میں خوش قسمتی کا نشان چھ انگلیوں والا انوکھا خاندان
