لندن (جیوڈیسک) یورپی یونین سے انخلا کے برطانوی فیصلے نے جہاں پوری دنیا کو ہلا کر رکھ دیا ہے وہیں یورپ میں مقیم پاکستانی بھی پریشان ہو گئے ہیں ۔ ان کا کہنا ہے کہ برطانیہ کے یورپی پارلیمنٹ سے نکلنے سے مسئلہ کشمیر پر بھی اثر پڑے گا ۔
برطانوی ریفرنڈم کے نتائج سے دنیا بھر کے عوام کی طرح یورپ میں مقیم پاکستانی بھی حیرت زدہ ہیں ۔ انھیں ڈر ہے کہ برطانوی ارکان کی عدم موجودگی سے یورپی پارلیمنٹ میں مسئلہ کشمیر کے حل کی آواز کمزور پڑ سکتی ہے ۔
کشمیر کونسل یورپ کے چیئرمین سید علی رضا کہتے ہیں کہ پاکستانیوں اور کشمیریوں کو نئی صورتحال کے مطابق نئی حکمت عملی بنانا ہو گی ۔
مبصرین کا خیال ہے کہ برطانیہ کا یورپی یونین سے نکلنا اپنے پیر پر خود کلہاڑی مارنے کے مترادف ہو گا ۔ تاہم حکومت پاکستان کو اس معاملے پر گہری نظر رکھنا ہو گی ۔
یورپی یونین سے باضابطہ علیحدگی تک برطانیہ سے کوئی بات نہیں ہوسکتی، جرمن چانسلر
استنبول : اتاترک ائیرپورٹ پر خودکش دھماکے اور فائرنگ، 50 افراد ہلاک، 90 زخمی
