بین الااقوامی منڈی میں یوریا اور ڈی اے پی کھاد کی قیمتوں میں اسی ڈالر سے ایک سو بیس ڈالر تک کی کمی ریکارڈ کی گئی ہے۔ عالمی منڈی میں کھاد کی قیمتوں میں کمی کے باوجود پاکستانی کاشتکار اس کمی سے محروم ہیں۔
عالمی منڈی میں یوریہ کھاد کی فی ٹن قیمت تین سو پندرہ ڈالر ہوگئی ہے جو کہ رواں سال فروری میں چار سو چالیس ڈالر فی ٹن تک پہنچ گئی تھی۔ ڈیپ کھاد کی قیمت مئی میں پانچ سو چالیس ڈالر فی ٹن سے کم ہو کر چار سو چون ڈالر فی ٹن ہو گئی ہے۔
مارکیٹ تجزیہ کاروں کے مطابق انٹرنیشنل مارکیٹ میں وافر مقدار میں کھاد موجود ہونے کے باعث قیمتوں میں کمی دیکھی جا رہی ہے۔ عالمی منڈی میں یوریہ کھاد کی قیمتوں میں کمی کے باوجود سیلز ٹیکس کے نفاد کے باعث پاکستان میں یوریہ کھاد کی فی بوری قیمت میں پینتس روپے کا اضافہ ہوا ہے۔
پانچ سال میں پاکستانی معیشت کا حجم 290 ارب ڈالر ہوجائے گا
روئی کی قیمت 6750 روپے من پر پہنچ گئی
