گجرات (جی پی آئی) ولی کامل حضرت سائیں کرم الٰہی المعروف سائیں کانوانوالی سچی سرکار کا عرس مبارک عقیدت و احترام کے ساتھ منایا جا رہا ہے۔ دوسرے روز بھی ہزاروں عقیدت مندوں نے شرکت کی۔ اور دربار شریف پر حاضری دی ۔ اس موقع پر سجادہ نشین سائیں ساجد حسین کی سربراہی میں بہترین انتظامات کئے گئے۔ زائرین کیلئے خصوصی لنگر کا اہتمام کیا گیا۔ جبکہ دربار شریف پر عقیدت مند گھڑولیاں و چادریں چڑھاتے رہے۔ ضلعی انتظامیہ کی طرف سے ناقص حفاظتی انتظامات دیکھنے میں نظر آئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ساون کی بارشوں کی وجہ سے گجرات شہر میں عوامی مشکلات میں اضافہ ہو گیا سیوریج کے ناقص ترین انتظامات کی بدولت شہر بھر میں گندا پانی عوام کا منہ چڑھا رہا ہے۔ تمام سرکاری دفاتر میں گندا پانی کھڑا ہے اور کہیں پر بھی گزرنے کا راستہ نہیں مل رہا۔ ٹی ایم اے اور متعلقہ محکموں کی کارکردگی سوالیہ نشان بنی ہوئی ہے۔ عوام کا کوئی پرسان حال نہیں۔ عوامی مسائل کی وجہ سے شہریوں میں شدید غم و غصہ کی لہر پائی جاتی ہے۔ لوگ گھروں میں محصور ہو کر رہ گئے ہیں۔ عزیز بھٹی شہید ہسپتال ہو یا ڈی سی او ہائوس، ڈسٹرکٹ کورٹس ، یا شہر کا کوئی بھی روڈ ، ہر جگہ پر گندا پانی کھڑا نظر آتا ہے۔ کوئی بھی محکمہ اپنی ذمہ داری قبول کرنے کیلئے تیار نہیں۔ ہر کوئی کارروائی ڈالنے کیلئے ”خوبصورت گجرات” کے نعرے لگاتا نظر آتا ہے۔ عوامی حلقوں نے ڈی سی او گجرات سے مطالبہ کیا ہے کہ وہ از خود نوٹس لیں اور گجرات شہر کی صورتحال پر ایکشن لیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز شخصیات نے رانا مشرف علی ناز کے پوتے اور رانا ثاقب علی مشرف ناز کے بیٹے کی انکے گھر جا کر عیادت کی۔ اور انکی صحت یابی کیلئے خصوصی دُعا کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سابق وزیر اعلیٰ پنجاب چوہدری پرویز الٰہی نے YDA پنجاب کے نائب صدر ڈاکٹر سعود افضل کو چاند سے بیٹے کی پیدائش پر مبارکباد دی۔ اور کہا کہ ہم نے اپنے دور میں ڈاکٹرز کو بھرپور سہولیات فراہم کر رکھی تھیں یہی وجہ تھی کہ ڈاکٹرز کبھی بھی سڑکوں پر نہیں آئے تھے اور نہ ہی کبھی کوئی ہڑتال جیسی صورتحال پیش آئی۔ انشاء اللہ جب بھی موقع ملا ڈاکٹرز کو مزید سہولیات دیں گے اور جائز مطالبات کو پورا کریں گے۔ اور ڈاکٹرز کمیونٹی ایسی کمیونٹی ہے جو غریبوں کیلئے مسیحا کا درجہ رکھتی ہے۔ آج حکمرانوں کی نا اہلی کی وجہ سے ڈاکٹرز بیرون ممالک جا رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) حضرت سائیں کانوانوالی سرکار کے عرس مبارک کے موقع پر ممتاز سماجی شخصیت سیٹھ فیصل ندیم اور سیٹھ محمد علی کے والد محترم کے ایصال ثواب کیلئے خصوصی محفل منعقد ہوئی جس کی صدارت صاحبزادہ پیر سید زمان شاہ آستانہ عالیہ کھیپڑانوالہ شریف نے کی۔ اس موقع پر ممتاز ثناء خوان رسول حافظ محمد صدیق قادری نے ہدیہ نعت پیش کیا۔ حافظ شیراز نے تلاوت قرآن پاک کا شرف حاصل کیا۔ ملکی ترقی و سلامتی کیلئے خصوصی دعائیں کی گئیں۔ ہر مکتبہ فکر سے تعلق رکھنے والے افراد کی کثیر تعداد نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) قمر اکیڈمی ضلع گجرات کے صدر حاجی محمد افضل کپور سیالوی اور سیکرٹری نشر و اشاعت کے معروف صحافی شیخ محمد ادریس کو عمرہ کی سعادت حاصل کرنے پر قمر اکیڈمی گجرات کے ممبران حافظ محمد صدیق قادری’ حاجی محمد یوسف شاہ’ شیخ احمد سعید’ خاور بشیر بٹ گولڑی’ سید مظہر حسین شاہ’ عمر شریف قادری’ حافظ شیراز احمد’ محمد علی صراف’ حاجی نذیر احمد اور دیگر نے دلی مبارکباد پیش کی۔ اس موقع پر حاجی محمد افضل کپور سیالوی اور صحافی شیخ محمد ادریس نے کہا کہ رمضان المبارک کے بابرکت مہینے میں عمرہ کی سعادت بہت ہی برکتوں اور خصوصی اللہ کریم کا خاص فضل و کرم ہے۔ انہوں نے کہ دُعا کی کہ اللہ کریم ایسی با برکت سعادتیں بار بار نصیب فرمائے۔ اس موقع پر مختلف تاجران نے عمرہ کی سعادت حاصل کرنے پر اُن کو مبارکباد پیش کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) MS عزیز بھٹی شہید ہسپتال ڈاکٹر شیر علی خان نیازی نے سٹی سکین اور ڈیجیٹل ایکسرے کی 24 گھنٹے سہولت میسر کر دی ہے۔ ڈسٹرکٹ ہیڈ کوارٹر کی تاریخ میں پہلی دفعہ 24 گھنٹے کیلئے سٹی سکین اور ڈیجیٹل ایکسرے سروس عوام کیلئے شروع کی گئی ہے جس کو سماجی حلقے اور مریض بے حد سراہ رہے ہیں۔ ایسے اقدامات کی بدولت ایمرجنسی اور دور دراز سے آنیوالے مریضوں کو سہولت میسر ہو سکے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پاک و ہند کی محبوب ہستی اور ولی کامل حضرت کرم الٰہی المعروف کانوانوالی سرکار کے سالانہ عرس مبارک کے موقع پر سابق سالوں کی طرح امسال بھی ڈیرہ پگانوالہ میں ایک عظیم الشان محفل میلاد شریف اور محفل سماع زیر صدارت صدر پیر محمد اشرف سجادہ نشین سائیں پیر محمد حسین سرکار آف گوجر خان نے فرمائی۔ اس موقع پر خصوصی آمد پیر محمد خورشید تھے۔ اسی سالانہ محفل سماع کے انتظامات و نگرانی میاں محمد عارف سعید پگانوالہ میاں حسنین عارف پگانوالہ’ میاں ابوبکر عارف پگانوالہ تھے۔ اس روحانی تقریب کا آغاز قاری محمد شعیب کی تلاوت قرآن سے شروع ہوا۔ محمد صدیق قادری’ شبیر احمد چوہدری’ صوفی غلام حسین آف لوراں نے ہدیہ عقیدت کے پھول نچھاور کئے اور معروف لاہوری قوال شفقت شجاعت علی اور ہمنوا نے رات گئے تک ایک بہت بڑے اجتماع میں محفل سماع کے موقع پر مشائخ عظام اور مززین مہمانوں اور مریدین سے خوب داد وصول کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) سٹیزن فرنٹ کی سپریم کونسل کی ماہانہ میٹنگ میں موجودہ عالمی صورت بالخصوص ترکی میں ناکام فوجی بغاوت کے حوالہ سے گفتگو کرتے ہوئے ضلعی صدر علی ابرار جوڑا نے کہا کہ ترکی کے نہتے عوام نے مسلح فوجی بغاوت کو اپنے اتحاد اور سیاسی اور سماجی شعور سے ناکام بنایا یہ عوام کے حق رائے دہی کی فتح ہے جمہوریت کی فتح ہے۔ آمریت اور آمرانہ سوچ کو شکست کا سامنا کرنا پڑا ہے۔ انہوں نے کہا کہ ملک کی حفاظت کی خاطر جانیں قربان کرنیوالوں سے محبت اور عقیدت اپنی جگہ مگر انہیں اقتدار نہیں سونپا جا سکتا ہے۔ ریاست کے کسی ادارے کو یہ حق حاصل نہیں کہ وہ عوام کو بتائے کسی جماعت کی قیادت کو پسند کرنا اور ووٹ دینا ہے مگر پاکستان میں بد قسمتی سے ریاست کاروں کی خواہشات کی تکمیل کیلئے سیاسی جماعتیں تشکیل دی جاتی ہیں۔ شیخ محمد عرفان سٹی صدر نے کاہ کہ ترکی کی عوام دوست پالیسیوں کی وجہ سے عوام میں مقبولیت حاصل کی ہے۔ عامر چوہدری نے کہا کہ ترکی کے عوام نے بغاوت کے خلاف مزاحمت کر کے اپنی سیاسی قیادت پر اعتماد کا اظہار کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ غریبوں، کسانوں سمیت ہر شعبہ کے لوگوں سے ن لیگ کے حکمرانوں نے دھوکہ کیا ہے، عام اور غریب آدمی اور اس کے بچوں کیلئے تعلیم ہے نہ دوائی، انہیں صرف خودکشیاں دی جا رہی ہیں۔ وزیرآباد میں سپیریئر کالج کی افتتاحی تقریب سے خطاب اور میڈیا سے گفتگو کرتے ہوئے انہوں نے کہا کہ پنجاب میں ہماری حکومت کا محور اس ملک کے غریب و پسماندہ عوام اور ان کے بچے تھے جن کیلئے ہم نے تعلیم، کتابیں اور ادویات مفت کیں، 1122 جیسی سروس دی لیکن شہبازشریف نے نہ صرف مفت تعلیم کا ہمارا منصوبہ روک دیا بلکہ غریبوں کے 10ہزار سکول بند کر دئیے اور 1122 جیسی ریسیکو سروس کو بھی بند کرنے کی کوشش کی جبکہ یہ بڑے زور و شور سے شروع کیا گیا اپنا ہر منصوبہ اور ہر سکیم کھا پی گئے۔ چودھری پرویزالٰہی نے اپنی تقریر میں پروفیسر عبدالرحمن اور ملک معراج خالد مرحوم کی تعلیمی خدمات کو خراج تحسین پیش کیا اور بیسٹ ٹیچر ایوارڈ تقسیم کیے۔ چودھری پرویزالٰہی نے لارڈز ٹیسٹ میں کامیابی پر قومی کرکٹ ٹیم کو مبارکباد پیش کرتے ہئوے کہا کہ آرمی کی ٹریننگ نے اثر دکھایا ہے۔ انہوں نے کہا کہ آج ہر ادارہ تباہی کی طرف گامزن ہے، ترکی میں حکومت نے عوام کیلئے کام کیا، طیب اردگان کی حکومت نے ملک کے تمام قرضے ختم کیے جبکہ ن لیگ کی حکومت نے پاکستان کی تاریخ میں سب سے زیادہ قرضے لیے ہیں۔ انہوں نے کہا کہ ساری سیاسی جماعتیں ایک ایجنڈے پر جب تک جمع نہیں ہوں گی تب تک کچھ حاصل نہیں ہو گا۔ الیکشن کمیشن کے حوالے سے بات کرتے ہوئے انہوں نے کہا کہ الیکشن کمیشن میں ایسے ارکان کو منتخب کرنا چاہئے جو اس کے اہل ہوں اور عوام کو بھی ان پر اعتماد ہو۔ انہوں نے کہا کہ حکمران اور ان کے ساتھی ہر وقت جمہوریت کا راگ الاپتے ہیں لیکن آرمی چیف کے بینرز دیکھ کر ان کی ٹانگیں کانپ جاتی ہیں، عوام ان حکمرانوں سے تنگ ہیں، سارے پاکستان سمیت رمضان المبارک میں مکہ مدینہ میں بھی ان کے جانے کیلئے لوگ دعائیں کرتے رہے۔ چودھری پرویزالٰہی نے کہا کہ ہم نے اپنے دور حکومت میں تعلیم کو عام کیا، پرائیویٹ سیکٹر کو پروموٹ کیا، نیشنلائزڈ ادارے واپس کیے، یونیورسٹیوں کو چارٹر کے حقوق دئیے، نئی یونیورسٹیاں بنائیں، 65 ہزار سکولوں کو ازسر نو ٹھیک کیا، لٹریسی ریٹ اوپر لے گئے جو اب پھر کم ہو گیا ہے کیونکہ ہم سکول آباد کر رہے تھے تو یہ بند کر رہے ہیں، ہم نے ٹریفک وارڈن سسٹم بنایا اور پٹرولنگ پوسٹیں قائم کیں، شہبازشریف نے ان آٹھ سالوں میں ہمارے تمام اداروں کو بند کرنے کے ساتھ ساتھ ان کے فنڈز بھی روک لیے جس سے ہر شعبہ تنزلی کا شکار ہے۔ انہوں نے کہا کہ سیلاب روکنے کیلئے بندوں کی تعمیر و مرمت پر استعمال کیے جانے والے فنڈز بھی یہ جنگلہ بس اور ٹرین پر خرچ کر رہے ہیں جس سے سیلاب کیوں نہ آئیں۔ اس موقع پر سابق صوبائی وزیر میاں عمران مسعود نے کہا کہ بطور صوبائی وزیر تعلیم بیس سے زائد پرائیویٹ یونیورسٹیوں کو کیمپس بنانے کا درجہ دیا، موجودہ حکومت آج تک تعلیمی میدان میں وہ رزلٹ حاصل نہیں کر سکی جو پرویزالٰہی دور حکومت میں ہم نے حاصل کر لیا تھا۔ اس موقع پر خالد محمود چیمہ، حسن نواز، پروفیسر سلیم مغل، پروفیسر سلیمان اقبال، بلال مصطفی شیرازی، حافظ سعید احمد، پروفیسر محمد ریاض، پروفیسر نبیل الرحمن بھی موجود تھے۔ بعد ازاں چودھری پرویزالٰہی نے بلال احمد خان، عثمان علی، احتشام لیاقت، پروفیسر ابوبکر، شہبازاحمد، لبنیٰ شہزاد، سمیرا عمران، حمیرا مختار، حاجی غلام رسول، عبدالوحید اختر، شہبازرسول اور پروفیسر محمد شفیع میں بیسٹ ٹیچر ایوارڈ تقسیم کیے۔ قبل ازیں چودھری پرویزالٰہی جب کالج کے افتتاح کیلئے پہنچے تو ان پر پھولوں کی پتیاں نچھاور کی گئیں، مسلم لیگی کارکنوں نے چودھری شجاعت حسین، پرویزالٰہی اور مونس الٰہی زندہ باد کے نعرے لگائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے ضلع میں اشیائے خورد و نوش کی قیمتوں کا از سر نو تعین کر دیا گیا ہے اور پرائس مجسٹریٹس مقررہ نرخوں پر عمل درآمد ہر صورت یقینی بنائیں اور گرانفروشوں کے خلاف سخت کاروائی عمل میں لائی جائے۔ نوٹیفکیشن کے مطابق آٹے کے 20کلو گرام تھیلے کی قیمت 720روپے مقرر کی گئی ہے، دال چنا باریک کی قیمت 148روپے فی کلو، دال چنا موٹی کی قیمت 152روپے فی کلو، کالے چنے 146روپے فی کلو، سفید چنے سندھی 155روپے کلو، سفید چنے باریک کینڈا 160روپے کلو، دال مونگ چھلکا باریک 120روپے کلو،دال مونگ دھلی ہوئی 125روپے کلو، دال ماش چھلکا باریک 225روپے کلو، دال ماش باریک 245روپے کلو، دال ماش موٹی (چمن) 290روپے کلو، دال مسور باریک 148روپے کلو، دال مسور موٹی 124روپے کلو، سرخ مرچ پاوڈر 245روپے کلو، سپر باسمتی چاول (نئے ) 70روپے کلو، چینی 68روپے کلو، بیسن 150روپے کلو، چھوٹا گوشت اوپن مارکیٹ580روپے کلو، ماڈل شاپ 680روپے کلو، بڑا گوشت اوپن مارکیٹ 300روپے کلو، ماڈل شاپ 340روپے کلو، دودھ اوپن مارکیٹ 65روپے لٹر، ماڈل شاپ 75روپے کلو، دہی اوپن مارکیٹ 70روپے ، ماڈل شاپ 80روپے کلو، روٹی 100گرام 7روپے، نان 100گرام کی قیمت8روپے مقرر کی گئی ہے۔ دریں اثنا ڈی سی او لیاقت علی چٹھہ نے پرائس مجسٹریٹس کو ہدایت کی ہے کہ اشیائے خورد و نوش کی مقرر کردہ قیمتوں پر عمل درآمد یقینی بنایا جائے اور ناجائز منافع خوری کرنے ، مصنوعی مہنگائی کے ذمہ داروں کے خلاف قانون کے مطابق سخت ایکشن یقینی بنایا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)حکومت پاکستان کے اعلان کے مطابق کسانوں کو ریلیف فراہم کرنے کے لئے کھادوں کی قیمتوں میں کمی کے فیصلہ پر عمل درآمد کرتے ہوئے ضلع گجرات میں مختلف کمپنیوں کی کھادوں کی قیمتوں کا از سر نو تعین کر دیا گیا ہے۔ ڈی سی او لیاقت علی چٹھہ کی ہدایت پر ڈی او زراعت توسیع /ڈپٹی کنٹرولر فرٹیلائزر محمد رفیق تارڑ کی طرف سے جاری کردہ نوٹیفکیشن کے مطابق تمام کھاد ساز کمپنیوں اینگرو، ایف ایف سی، پاک عرب اورع ایگری ٹیک کمپنی کی 50کلو گرام یوریا کھاد کی بوری کی قیمت 1400روپے مقرر کی گئی ہے ۔ اینگر و کمپنی کی ڈی اے پی بوری کی قیمت 2727روپے، این پی کھاد کی قیمت 1888روپے، این پی کے کھاد کی قیمت 2504روپے ، ایس ایس پی 18فیصد کی قیمت 1222روپے مقرر کی گئی ہے۔ ایف ایف سی کی ڈی اے پی کی قیمت 2878روپے، ایس او پی کھاد کی قیمت 4979روپے اور ایم او پی کھاد کی قیمت 3142روپے فی بوری مقرر کی گئی ہے۔ پاک عرب کمپنی کی ڈی اے پی کی قیمت 2700روپے، این پی کی قیمت 1980روپے، ایس او پی کی قیمت 4930روپے ہوگی جبکہ ایگری ٹیک کی ایس ایس پی کھاد کی قیمت 1085روپے فی بوری مقرر کی گئی ہے۔ کھادوں کی نئی قیمتوں کا اطلاق فوری طور پر ہوگا ۔ ڈی او زراعت توسیع/ڈپٹی کنٹرولر فرٹیلائز محمد رفیق تارڈ نے کھاد ڈیلرز کو ہدایت کی ہے کہ وہ مقررہ نرخوں کے مطابق کھاد کی فروخت یقینی بنائیں، فروخت کی جانیوالی کھاد کی باقاعدہ رسید جاری کریں۔ انہوں نے واضع کیا کہ اوور چارجنگ کرنے اور ذخیرہ اندوزی کرنیوالوں کے خلاف قانون کے مطابق سخت ایکشن لیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)شہباز شریف پارک اہالیان گجرات کے لئے حکومت پنجاب کا تحفہ ہے، عیدالفطر کے ایام میں لاکھوں شہریوں نے گوجرانوالہ ڈویژن کے سب سے بڑے پار ک میں منعقدہ عید میلہ میں شرکت کی اور تفریحی سہولیات سے مستفید ہوئے۔ ان خیالات کا اظہار ڈی سی او لیاقت علی چٹھہ نے شہباز شریف پارک میں معززین اور سپورٹس سے وابستہ افراد کے ہمراہ واک کے موقع پر بات چیت کرتے ہوئے کیا۔ ڈی سی او لیاقت علی چٹھہ نے کہا کہ عید میلہ کے دوران نہ صرف گجرات اور گرد و نواح بلکہ وزیر آباد اور نواحی علاقوں کے عوام بھی جوق در جوق پار ک میں آئے جہاں تفریحی سہولیات کے ساتھ کھانے پینے کے سٹالز اور پولیس کی فول پروف سکیورٹی فراہم کی گئی تھی۔ ڈی سی او لیاقت علی چٹھہ نے بلڈنگز، سپورٹس، جنگلات اور دیگر محکموں کے افسران کو ہدایت کی کہ مستقبل میں پارک کو شہریوں کے لئے مزید پرکشش بنانے کے لئے ضروری اقدامات کئے جائیں ۔ انہوں نے معززین اور سپورٹس سے وابستہ شخصیات سے کہا کہ وہ خود بھی پارک میں واک کے لئے باقاعدگی سے آئیں اور اپنے عزیز و اقارب کو بھی اس بارے میں آگاہ کریں۔ اس موقع پر معززین اور سپورٹس سے وابستہ افراد نے ڈی سی او کو تجاویز سے بھی آگاہ کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)سائیں کانواں والی سر کار کے عرس مبار ک کے دوسرے روز بھی میلہ میں ریکارڈ رش دیکھنے میں آیا بارش کے باوجود بھی دور دراز سے ظاہرین اور عقیدت مندوں ایک بڑی تعداد نے میلہ میں شرکت کی اور گھڑولیاں ، چادریں بھی چڑھائیں، میلہ پر سرکس نہ ہونے کے باوجود بھی رش ہے ،بارش سے دلدل اور کیچڑ سے ظاہرین کو شدید مشکلات کا سامنا بھی رہا تاہم رش میں کمی نہ ہو سکی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)گجرات کی خوبصورتی میں اضافہ ظہور الہی اسٹیڈیم گجرات میں ٹھیکدار نے گول چکر میں ناقص اور غیر معیاری ٹائل لگا کر حکومتی خزانہ کو لاکھوں روپے کی پھکی دے دی ضلعی انتظامیہ اور محکمہ کے اعلی آفسران نے چپ سادھ لی اور ٹھیکیدار کے خلاف کاروائی کرنے سے قاصر ،ایمانداری کا راگ گانے والے کہاں ہیں ،معلوم ہوا ہے کہ ظہور الہی اسٹیدیم گجرات میں گو ل چکر میں ٹھیکیدار خرم گھمن ناقص اور ہلکی ٹائل لگاکرحکومتی خزانہ کو لاکھوں روپے کا نقصان پہنچا رہا ہے ارباب اختیار نے اپنی آنکھیں بند کر رکھی ہیں دوسری طرف اسٹیڈیم کے گول چکر میں لگنے والی ناقص ٹائل بھی کسی کمپنی سے منظور شدہ نہیں ہے اور نہ وزن میں پوری ہے بلکہ ظہور الہی اسٹیڈیم میں لگنے والی ٹائل کئی جگہ سے خراب ہو کر بیٹھ گئی ہے اس کا زمہ دار کو ن ہے ،علاوہ ازیں مذکورہ ٹھیکیدار نے جی ٹی روڈ پر زیر تعمیر گرین بیلٹ،اور ڈیوئیڈر کی تعمیر میں ناقص میٹریل کا آزادانہ استعمال کیا گیا ہے مگر اس کا بھی کو ئی ایکشن نہین لیا گیا،گجرات کے عوامی سماجی حلقوں نے ڈی سی او گجرات لیاقت علی چٹھہ اور دیگر سرکاری محکموں کے سربراہان سے فوی کاراوائی کا مطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)گجرات شہر اور گرد نواح میں تیز رفتار بارش نے گجرات ٹی ایم اے گجرات کی شاندار کار کردگی کا پول کھول دیا ہے بارش سے پورا شہر وینس کا نقشہ پیش کرنے لگا شہر بھر کے تمام چوکوں میں کئی کئی فٹ بارش کا پانی کھڑا ہونے سے شہریوں کو شدید مشکلات کا سامنا کر نا پڑا جبکہ ٹی ایم اے گجرات کا عملہ بھی اس بار بھی نکاسی میں بری طرح ناکام رہا ،تیز رفتار بارش سے ریلوے روڈ ، سرگودہا روڈ ، جیل روڈ ،پرنس چوک ،محلہ شاہ حسین،سفوارہ چوک ،غریب پورہ ،رحمان شہید روڈ ،حسن چوک ضلع کچہری مسلم آباد سمیت شہر کے کئی علاقے زیر آب گئے کئی کئی فٹ پانی جمع ہونے کی وجہ سے گلی محلے اور سڑکیں ندی نالوں کا روپ دھار چکے تھے جبکہ بارش کے پانی میں کئی گاڑیاں بھی پھنس گئیں اور لوگ کئی کئی گھنٹے تک گاڑیوں کو پانی میں دھکا لگاتے رہے مگر ٹی ایم اے گجرات کی ناقص کارکردگی اور ناقص حکمت عملی کی وجہ سے گجرات شہر میں نکاسی آب کا نظام فلاپ رہا اور بارش کا پانی کئی گھنٹوں تک سڑکوں پر گشت کرتا رہا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)لیبر کورٹ لاہور کے جسٹس محمد طارق نے ٹی ایم اے گجرات کے دس سنیٹری انسپکٹرز ،تین سنٹری سپر وائزر اور ایک ٹیوب ویل اپریٹر کو مستقل کرنے کے احکامات جاری کر دئیے ہیں گزشتہ روز انہوں نے اپنے ایک فیصلہ میں گجرات ٹی ایم اے کے ملازمین کو پکے کرنے کا فیصلہ دیا ہے یاد رہے کہ ٹی ایم اے یونین کے صدر فراست حسین ڈار نے ان ملازمین کوفارغ کرنے کے لیے رٹ دائر کر رکھی تھی عدالت کے اس فیصلہ پر ٹی ایم اے یونین کے جنرل سیکرٹری خالد گل اور اللہ رکھا سہوترا نے حق سچ کی فتح قرار دیا ہے ،انہون نے کہا کہ ہم نے ہمیشہ یونین کے ملازمین کے دفاع کے لیے کام کیا ہے اور انشاء اللہ آئندہ بھی دفاع کریں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ٹی ایم اے گجرات کی کتا مار مہم ٹھنڈی پڑ گئی شہر بھر میں آوارہ کتوں نی بھر مار نے شہریوں کا جینا دوبھر کر دیا ،اور کتوں کو ادویات میں کھلانے والا قیمہ ٹی ایم اے کے ملازمین خود کھا گئے عملہ آوارہ کتوں کو تلف کرنے میں بری طرح ناکام ہو گیا،رات کے وقت کتوں کے غول ٹولیوں کی شکل میں سڑکوں پر گشت کرت نظر آتے ہیں اور شہریوں پر حملہ کر کے ان کو زخمی کر دیتے ہیں ،محلہ خواجگان اور قبرستاں میں آوارہ کتے قبروں کھود کر مردوں کی بے حرمتی بھی کرنے لگے مگر ٹی ایم اے گجرات کا عملہ اس طرف توجہ نہیں دے رہا ،ریلوے روڈ ، نورپور پڈھے ، گھڑی احمد آباد ،میراں صاحب ،سمیت دیگر علاقوں میں کتوں کی بھر مار ہے گجرات کے سماجی عوامی حلقوں نے ٹی ایم او گجرات سے فوری تلف کرنے کی اپیل کی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)لیڈز کالج کھاریاں جی ٹی روڈ کیمپس میں میٹرک سے فارغ ہونے والے طلباء کے لئے پرکشش مراعات پر داخلے جاری ہیں طلباء اس آفر کا بھرپور فائدہ اٹھائیں ان خیالات کا اظہار ڈائریکٹر ادارہ ہذا عمران اکبر بھٹی پنجوڑیاں نے کیا۔ انہوں نے کہا کہ ہمارے پاس اعلیٰ تعلیم یافتہ اور تجربہ کار پروفیسرز کی ٹیم موجود ہے جو کہ طلباء کی عملی زندگی کے لئے بھی تربیت کر رہے ہیں تعلیم کے ساتھ ساتھ روشن مستقبل کی راہ بھی دکھلائی جاتی ہے میٹرک سے فارغ ہونے والے طلباء اپنے روشن مستقبل کے لئے لیڈز کالج میں داخلہ لیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) کنٹونمنٹ بورڈ کھاریاں کے علاقہ میں صفائی کا نظام بہترین انداز میں چل رہا ہے تمام علاقہ میں روزانہ کی بنیادوں پر ٹریکٹر ٹرالی اور ہتھ ریڑھیوں کی مدد سے صفائی کا عمل جاری ہے جبکہ موسم برسات کے پیش نظر اس نظام کو مزید بہتر اور تیز بنایا جا رہا ہے ان خیالات کا اظہار چیف ایگزیکٹو آفیسر عمران خان نے کیا۔ انہوں نے کہا کہ ترقیاتی کام بھی جاری ہیں رواں مالی سال میں ممبران کی نشاندہی اور تجاویز پر بجٹ بنایا گیا ہے تاکہ ان علاقوں کو بھی شامل کیا جائے جن کی نشاندہی عوامی نمائندوں نے کی ہے اس سے قبل علاقہ میں کئی واٹر فلٹر پلانٹ کام کر رہے ہیں جن سے روزانہ عوام سینکڑوں لیٹر پینے کا صاف اور فلٹر شدہ پانی حاصل کی رہے ہیں انہوں نے کہا کہ نظام کو مزید بہتر بنانے کے لئے اقدامات جاری ہیں پریذیڈنٹ سٹیشن کمانڈر بریگیڈیئر صادق راہی کی قیادت میں عوامی مسائل کو حل کیا جا رہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) جائنٹ سیکرٹری K.P.C طاہر رشید صدیقی کے ہاں چاند سے بیٹے کی پیدائش پر صحافی برادری کی مبارکباد۔ نومولود کی صحت، تندرستی اور عمر خضریٰ کی دعا بھی کی گئی۔ مبارکباد دینے والوں میں سید تنویر نقوی، آفتاب نذر، اعجاز مرزا، حاجی عبدالرئوف، زمان احسن، عبدالعزیز گوندل، حافظ عمران خلجی، جبار ساگر، ایم عمر، میاں محمد ندیم، بلال بٹ، وقاص مجید، شبیر انجم سمیت دیگر شامل ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) ایکسین واپڈا کھاریاں چوہدری شفیق الرحمن نے گذشتہ روز صحافیوں کے وفد سے ملاقات کے دوران گفتگو کرتے ہوئے کہا کہ محکمہ میں سے کرپشن کا خاتمہ اوّلین ترجیح ہے کسی بھی کرپٹ یا بدعنوان آفیسر یا اہلکار کو ہرگز برداشت نہیں کیا جائے گا میڈیا مسائل کی نشاندہی کرے فوری ایکشن لیا جائے گا واپڈا کھاریاں میں کسی بھی کام چور، کرپٹ کی جگہ نہیں ہے عوامی مسائل کو اوّلین ترجیح کے ساتھ حل کیا جا رہا ہے ہر وہ مسئلہ حل کیا جا رہا ہے جو کہ ہمارے اختیار اور بس میں ہے تمام افسران اور عملہ ہمہ وقت عوام خدمت میں مصروف عمل ہے۔ بجلی کی خرابی کی صورت میں اطلاع ملنے پر فوری ایکشن لیا جاتا ہے تاکہ عوامی مشکلات کو فوری ختم کیا جائے انہوں نے کہا کہ محکمہ طرف سے دی گئی تمام سہولیات ملازمین کو دی جا رہی ہیں تاکہ عوامی مسائل کو فوری حل کیا جا سکے انہوں نے کہا کہ شکایت کی صورت میں مجھ سے بھی عوام رابطہ کر سکتے ہیں یہ آفس عوام کا ہے کسی پر پابندی نہیں عوامی شکایت کو فوری حل کیا جائے گا۔ چوہدری شفیق الرحمن نے صحافیوں سے کہا کہ میڈیا معاشرے کی آنکھیں ہوتا ہے اور ساتھ محکموں کے لئے بھی مددگار ثابت ہوتا ہے آپ مسائل کی نشاندہی کریں میں حل کروں گا۔ وفد میں سید تنویر نقوی، اعجاز مرزا، جبار ساگر، قربان گجراور دیگر صحافی شامل تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)کشمیری عوام پر انڈین آرمی کی دہشت گردی کا نوٹس لینا اب ناگزیر ہو چکا ہے ظلم کی انتہا کر دی گئی ہے نہتے کشمیریوں پر گولیاں برسائی جا رہی ہیں اور ان کی نسل کشی جاری ہے اگر او آئی سی کا کوئی اثر نہیں تو اسے ختم کر دیا جائے اور او آئی سی نے آج تک مسلم امہ کی آواز نہ تو اٹھائی اور نہ ہی مظالم کی مذمت کی امت مسلمہ متحد ہو کر نیا پلیٹ فارم بنائے اور پوری دنیا بالخصوص کشمیری مسلمانوں کی مدد کریں ان خیالات کا اظہار ممتاز اوورسیز پاکستانی چوہدری عقیل انجم لطیف مہمند چک (ڈنمارک) نے کیا۔ انہوں نے کہا کہ پوری دنیا میں صرف مسلمانوں کو ہی ظلم و بربریت کا نشانہ بنایا جا رہا جو کہ امت کے متحد نہ ہونے کا سبب ہے دشمنان اپنے مذموم مقاصد میں کامیاب ہو رہے ہیں اور مسلمانوں میں سازش کے تحت نفرتیں پیدا کر کے آپس میں فرقہ واریت کی وجہ سے لڑا کر مسلمانوں کی نسل کشی کر رہے ہیں اب بھی وقت ہے کہ امت مسلمہ متحد ہو جائے اور مسلمانوں کا تحفظ کرے۔ چوہدری عقیل انجم لطیف نے کشمیری مسلمانوں پر ظلم و بربریت کی پروز مذمت بھی کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) بجلی کبھی کبھی۔ بل دگنا اور ابھی کے ابھی۔ واپڈا کا یہ نعرہ عوام کے لئے وبال جان بن چکا ہے گذشتہ ماہ سے بجلی کے بلوں میں کئی گنا اضافہ کیا گیا اور عووام کو لوٹ کر سرکاری خزانہ بھرا گیا جبکہ رواں ماہ بھی بجلی کے بل گذشتہ ماہ سے دوگنا زیادہ بھیجے گئے ہیں جبکہ لوڈشیڈنگ کوئی شیڈول ہی نہیں ہے بجلی مرضی سے آتی ہے اور بل بھی واپڈا والے اپنی مرضی سے بھیج رہے ہیں ان بلوں سے عوام کی چیخیں نکل گئی ہیں اور عوام سخت تشویش میں مبتلا ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی) تحصیل ہیڈکوارٹر ہسپتال کھاریاں میں عوام کو تمام سہولیات اور علاج کے لئے کوشاں ہیں تمام ڈاکٹرز اور عملہ اپنے فرائض کو احسن طریقے سے سرانجام دے رہا ہے ان خیالات کا اظہار ایم ایس تحصیل ہیڈکوارٹر ہسپتال کھاریاں ڈاکٹر فاروق احمد بنگش نے اپنے بیان میں کیا۔ انہوں نے کہا کہ ڈی سی او گجرات لیاقت علی چٹھہ، ای ڈی او کی سربراہی میں عوام کو تمام سہولیات مہیا کر رہے ہیں اللہ کے فضل سے ہسپتال میں تمام ڈاکٹرز اپنی خدمات سرانجام دے رہے ہیں تمام ادویات فراہم کی جا رہی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)کھاریاں شہر میں جگہ جگہ ناجائز تجاوزات نے عوام کا جینا اجیرن کر دیا۔ ہر دکاندار کی کوشش ہوتی ہے کہ اپنی پوری دکان کو باہر سڑک پر لگادیا جائے اور وہیں فروخت کر دی جائیں اس کے علاوہ ریڑھی بانوں، رکشہ گاڑیوں اور موٹرسائیکلوں کی بہتات کی وجہ سے عوام کو شہر میں سخت پریشانی کا سامنا کرنا پڑتا ہے اگر دکاندار اپنی حد میں رہیں اور دکان کے اندر اچھی طرح سجاوٹ کر کے خوبصورت طریقہ سے اشیاء لگائیں تو اس سے گاہک کو بھی ادا کرے چیز دیکھنے کا موقع ملے گا اور دکاندار کو بھی پریشانی نہیں ہوگی اس کے علاوہ گاڑیاں رکشہ موٹرسائیکلوں کے بے تحاشہ رش کی وجہ سے بازاروں سے گزرنا بھی محال ہو جاتا ہے جو گاہک کے لئے سخت پریشانی کا باعث بنتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)400 کلو سے زیادہ مدنی تاکہ بناء کر ملک اور قوم کا نام روشن کرنے کا عزم کئے ہوئے ہوں تالے کا تین چوتھائی حصہ مکمل ہو چکا ہے جبکہ باقی کام بھی جلد مکمل کر لیا جائے گا ان خیالات کا اظہار مرزا جاوید اقبال نے خصوصی گفتگو کرتے ہوئے کیا۔ انہوں نے مزید کہا کہ اس سے قبل لاہور کے شیخ ظفر نے 102 کلو کا تالہ تیار کر کے گینز بک آف ورلڈ ریکارڈ میں نام لکھوایا تھا اس کے بعد بہائولپور کے ایک شخص نے 140 کلو کا تالہ بنا کر اس کا ریکارڈ توڑا تھا ہم 400 کلو سے زیادہ وزن کا تالہ بنا کر ہم یہ ریکارڈ اہالیان کھاریاں کے نام کرنا چاہتے ہیں تاکہ 51 انچ 3فٹ چوڑا اور14انچ موٹا ہے اس تالے کی مشین مکمل طور پر سپیشل کی ہے جبکہ چابی ڈیڑھ فٹ کی ہے اور اس کا وزن 35کلو ہے اس تالے کا لیور ایک من کا ہے جبکہ کنڈ ے کا وزن 70 کلو ہے۔ مرزا جاوید اقبال نے مزید کہا کہ ہم 1958ء سے اس شعبہ سے منسلک ہیں پہلے میرے والد صاحب یہ کام کرتے تھے لیکن 1980ء کے بعد میں نے اپنے والد صاحب کی جگہ سنبھال لی ہے اور اب میں مسلسل یہی کام کر رہا ہوں۔ مرزا جاوید اقبال کا کہنا تھا کہ یہ ہمارا خاندانی شعبہ ہے اور دور دراز سے لوگ ہمارے پاس تالے بنوانے آتے ہیں میں نے کوشش کی ہے کہ یہ تالہ بنا کر دنیا میں علاقہ کا نام روشن کروں اور دنیا کو بتائوں کہ کھاریاں شہر میں محنتی اور جفا کش لوگ آباد ہیں جو دنیا کے ذہین ترین لوگوں پر مشتمل ہے۔ مرزا جاوید اقبال نے مزید کہا کہ جب تالہ مکمل ہوگا تو وفاقی وزیر خرم دستگیر خان اس کا افتتاح کروائیں گے اس تالے پر کھاریاں کے عوام کو فخر ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)نجی ہسپتالوں میں موجود لیڈی ڈاکٹرز نے مریضوں کو لوٹنے کے لئے الٹی چھری چلانا شروع کر دی خاص طور پر ڈیلیوری کے کیسوں میں یہ لیڈی ڈاکٹرز لاکھوں کمانے لگیں پہلے تو مریضہ کے ہر چیک اپ پر دو سے تین ٹیسٹ کروائے جاتے ہیں جن میں الٹراء سائونڈ تو لازمی ہوتا ہے پھر پیشاب، خون کے بھی مختلف ٹیسٹ کرائے جاتے ہیں ان ٹیسٹوں کے بدلے مریضہ سے ہزاروں روپے اینٹھ لئے جاتے ہیں ڈلیوری کے وقت چاہے مریضہ بالکل نارمل بھی ہو تو اُسے ڈرا دھمکا کر آپریشن پر مجبور کیا جاتا ہے اور آپریشن کی مد میں منہ مانگے دام وصول کئے جاتے ہیں اور ایک آپریشن کے بدلے مریضہ اور اُس کے لواحقین کو کم از کم 50ہزار کا ٹیکا لگادیا جاتا ہے ایک طرف تو دونوں ہاتھوں سے لوٹا جاتا ہے تو دوسری طرف مریضہ کو ہمیشہ ہمیشہ کے لئے اپاہج بنا دیا جاتا ہے ڈلیوری کے آپریشنز کے بعد اکثر مریض خواتین کالے یرقان کا بھی شکار ہو جاتی ہیں اور آپریشن کی وجہ سے خواتین زندگی بھر کوئی بڑا کام کرنے کے قابل نہیں رہتیں اور نہ ہی زیادہ وزن اٹھانے کے قابل رہتی ہیں ان لیڈی ڈاکٹرزکو خوف خدا ہونا چاہئے اور اپنی موت کو بھی ذہن میں رکھنا چاہئے محض دولت کمانے کے لئے نارمل ڈلیوری کے کیس کو آپریشن میں تبدیل کر کے کسی کو زندگی بھر کے لئے ناکارہ بنادینا ظلم عظیم ہے اس لئے وہ اس مکروہ فعل سے اجتناب برتیں۔ اطلاعات کے بعدبعض ہسپتالوں میں تو میٹرک یا انڈر میٹرک نرسز ہیں جو مریضہ کو سنبھالتی ہیں اور لیڈی ڈاکٹر کی غیر موجودگی میں ایمرجنسی کی صورت میں مریضہ کا آپریشن کر ڈالتی ہیں ان کو کوئی پوچھے والا نہیں اعلیٰ حکام کی بھی اس سلسلہ میں پراسرار خاموشی سوالیہ نشان بن چکی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)کھاریاں شہر کے ہوٹلوں میں گندگی اور بدبو نے ڈیرے ڈال لئے۔ ہوٹل مالکان کی طرف سے صفائی کی طرف زیادہ توجہ نہ دینے سے کئی قسم کی بیماریاں پھیلنے کا خطرہ بڑھ گیا۔ ہوٹلوں میں جگہ جگہ گندگی کے ڈھیر، شاپر میں بند گندگی کو بھی اِدھر اُدھر پھینک دیا جاتا ہے جو کہ بعد میں مچھر اور دوسرے جراثیمی کیڑے پیدا کرے کا باعث بنتا ہے اس کے علاوہ بچا کھچا کھانا بھی برتنوں میں ڈال کر ادھر ہی رکھا جاتا ہے جو کہ گندگی اور بدبو کا باعث بنتا ہے اس کے علاوہ برتن بھی گندے پانی سے دھوئے جاتے ہیں جو بھی ان میں کھانا کھائے گا وہ مریض ہی بن جائے گا ہوٹل مالکان اس گندگی کو ماننے کے لئے بھی تیار نہیں ہیں اوپر سے وہ الٹی دلیلیں دینا شروع کر دیتے ہیں ذمہ دار افسران کو چاہئے کہ وہ اس مسئلہ کو فوراً حل کریں اور گندگی اور بدبو والے ہوٹلز کو فوری طور پر صفائی کی صورتحال بہتر بنانے کے احکام جاری کئے جائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)مسلم لیگ(ن) نے پاکستان کو تعمیر و ترقی کی راہوں پر گامزن کر دیا ہے پاکستان کو ایٹمی طاقت بھی مسلم لیگ(ن) نے بنایا تھا اب ترقی یافتہ ممالک کی صف میں بھی مسلم لیگ(ن) وزیراعلیٰ میاں نواز شریف کی قیادت میں ہی کھڑا کرے گی ملکی ترقی اور عوامی فلاح و بہبود کے دشمن صرف رکاوٹیں ہی ڈال سکتے ہیں مگر اب عوام ان کو مزید برادشت نہیں کریں گے اور ان کی تمام سازشوں کو ناکام بھی بنا دیں گے ان خیالات کا اظہار ممبر قومی اسمبلی حلقہ این اے107چوہدری عابد رضا کوٹلہ نے کیا انہوں نے کہا کہ آزاد کشمیر کے الیکشن میں عوام ایک مرتبہ پھر مخالفین کو مسترد کر دیں گے اور پھر مسلم لیگ(ن) کے امیدواروں کو بھاری اکثریت سے کامیاب بنا کر پاکستان کی طرح آزاد کشمیر میں بھی تعمیر و ترقی کا سلسلہ شروع کریں گے پاکستان مسلم دنیا کا ہیرو اسی لئے بنا کہ وزیراعظم میاں نواز شریف نے ملک کو ایٹمی دھماکوں کے بعد معاشی دھماکہ بھی مسلم لیگ(ن) کرے گی اور پاکستان کو دنیا کے ترقی یافتہ ممالک کی صف میں کھڑا کرے گی ان کاموں کی تکمیل کے لئے عوام میاں نواز شریف پر اعتماد کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)جموں کشمیر میں بھارتی مظالم حد سے بڑھ رہے ہیں مگر افسوس کہ حکمران مزمت تک نہیں کر رہے جبکہ کشمیر کمیٹی کے خود ساختہ اور تاحیات چیئرمین مولانا فضل الرحمن نے بھی مجرمانہ خاموشی اختیار کر رکھی ہے۔ PTI اور عوام کشمیری عوام کے ساتھ شانہ بشانہ کھڑے ہیں ان خیالات کا اظہار راہنما PTI چوہدری ناصر احمد چھپر ایڈووکیٹ نے کیا۔ انہوں نے کہا کہ مقبوضہ کشمیر پاکستان کی شہ رگ ہے یہ فرمان بانی پاکستان حضرت قائداعظم محمد علی جناح کا ہے۔ شہ رگ کٹ جائے تو زندگی ختم ہو جاتی ہے اپنی زندگی بچانے کے لئے پاکستانی حکومت اور قوم کو اپنے کشمیری بہن بھائیوں کی ہرلحاظ سے مدد کرنی ہوگی۔ PTI ہر لحاظ سے اپنے کشمیری بہن بھائیوں کے ساتھ ہے ہم بھارتی درندوں کی طرف سے ان پر مظلم کی پرزور مزمت کرتے ہیں حکمران ہوش کے ناخن لیں اور مودی سرکاری سے دوٹوک موقف رکھ کر بات کرے اور مظالم بند کروائے اگر مظالم بند نہیں ہوتے تو طاقت استعمال کر کے کشمیریوں کی مدد کی جائے۔ 20کروڑ عوام کا یہ مطالبہ ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)نوجوان نسل کے نمائندہ گلوکار مسٹرراجپوت کے نئے گیت ”جے میٹرپھرگیا رانے دا”کی ویڈیو نے سوشل میڈیا پر دھوم مچا دی،اس گیت کو معروف شاعر ایم اے تبسم سے لکھوایا گیا ہے میوزک رانا صداقت علی نے مرتب کیا ہے،ڈائریکٹرشادے خان ہیں، اس ویڈیو گیت میں ماڈلنگ مسٹرراجپوت اور ثناء نے کی ہے،گیت کے کوریوگرافرمنظورسولجرہیں،اس گیت کو معروف ریلیزنگ کمپنی آر ایس گولڈنے ملک بھرمیں ریلیزکیا ہے۔یہ ویڈیوگیت نوجوان نسل میں کافی پاپولرہورہا ہے اس گیت پر چند گھنٹوں میں ہی سینکڑوں لوگوں نے اپنی پسندیدگی کا اظہار کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)جمعیت علما پاکستان نیازی کے سربراہ قائد اہل سنت پیر سید محمد معصوم حسین نقوی کی اپیل پر ملک بھر میں یوم تحفظ حجاز مقدس منایا گیا۔ جس کے تحت احتجاجی مظاہرے کئے گئے اور قراردادوں کے ذریعے واضح کیا گیا کہ حرمین شریفین عالم اسلام کا مشترکہ ورثہ ہے، کسی ایک مسلک یا خاندان کا نہیں۔ اس کا تحفظ سب مسلم ممالک مل کرکریں۔اس حوالے سے آستانہ عالیہ حسینی سرکارملتان روڈ میں اجتماع سے خطاب میں پیر معصو م نقوی نے کہا کہ جنت البقیع اور جنت المعلیٰ کو مسمار کرنا ناقابل معافی جرم ہے، تاریخی اہمیت کے اس اسلامی ورثے کو اہل سنت خود بحال کروائیں گے ، عالم اسلام سعودی حکومت پر جنت البقیع اور جنت المعلیٰ کی بحالی کے لئے دباو بڑھائے ۔ انہوں نے کہا کہ اہل سنت کسی کو توحید کے نام پرمخصوص نظریات پھیلانے کی اجازت نہیں دیں گے۔ تاریخ گواہ ہے کہ آل سعود کے حجاز مقدس پر قبضے کے بعد سے شعائر اسلامی کو سازش کے تحت مٹایا گیا ، اس بربریت اور ظلم پر تمام مکاتب اسلامی کا احتجاج قابل تعریف ہے۔ مسلمانوں کو فرقہ وارانہ سوچ سے بالا تر ہوکر مشترکہ نکات پر توجہ دینی چاہیے ۔ ان کا کہنا تھا کہ توحید باری تعالی مسلمانوں کا اساسی عقیدہ ہے، اور مشرک کے تو اعمال بھی قبول نہیں ہوں گے۔ لیکن کسی مخصوص سوچ کو قبول نہیں کرتے جو شعائراللہ کے خلاف ہو۔ اور مزارات مقدسہ کے خلاف جذبات بھڑکائے ۔ جے یو پی کے سربراہ نے کہا کہ جنت البقیع اور جنت المعلیٰ کے مزارات مقدسہ کی 1925ء میں سعودی شاہی خاندان کے ہاتھوں توہین کا حساب انہیں دینا ہوگا۔ انہوںنے کہا کہ مزارات کی دوبارہ تعمیر سنی شیعہ کا مشترکہ مطالبہ ہے، اس کے لئے پاکستان، ترکی اور ایران کو سعودی حکومت پر عالمی دباو بڑھانا چاہیے ۔ انہوں نے کہا کہ پیغمبر خدا کے والدین حضرت عبداللہ اور حضرت آمنہ، تیسرے خلیفہ راشد حضرت عثمان غنی، زوجہ رسول حضرت خدیجتہ الکبریٰ ، خاتون جنت حضرت فاطمہ الزہرہ، حضرت امام حسن، امام جعفرصادق، امام زین العابدین، اما م محمد باقر رضی اللہ عنہم اور دیگر اسلامی شخصیات کے مزارات کو مسمار کرناناقابل معافی جرم ہے، جسے کوئی مسلمان معاف نہیں کرسکتا۔ ان کا کہنا تھا کہ اہل سنت خود ان مزارات کی تعمیر کریں گے ، عالمی ادارے سعودی حکومت سے اجازت دلوائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)پاکستان مسلم لیگ(ن) کی ممبر صوبائی اسمبلی حنا پرویز بٹ نے کشمیری عوام پر ڈھائے جانیوالے بھارتی مظالم کیخلاف پنجاب اسمبلی میں قرارداد جمع کرا دی۔گزشتہ روز جمع کرائی جانیوالی قرار داد میں کہا گیا ہے کہ مقبوضہ کشمیر کے باسیوں کی تحریک آزادی کو کچلنے کیلئے بھارتی درندے ان کو انتہائی ظالمانہ اور سفاکانہ طریقے سے قتل کر رہے ہیں۔انہیں اپاہج بنا رہے ہیں’ آنکھوں سے محروم کر رہے ہیں اور انکی عزتیں لوٹ رہے ہیں۔ لیکن اقوام عالم بالکل خاموش اور بے حسی کا مظاہرہ کر رہے ہیں جس سے بھارتی درندوں کے حوصلے مزید بڑھ رہے ہیں۔پنجاب کا یہ منتخب ایوان وفاقی حکومت سے اس امر کی سفارش کرتا ہے کہ وفاقی حکومت کشمیریوں پر بھارتی مظالم روکنے اور انہیں حق استصواب رائے دہی کیلئے عالمی سطح پر موثر سفارتکاری کرے اور اقوام عالم کے سامنے بھارتی سرکار کے ان ظالمانہ اقدام کو پیش کرے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)پاکستان مسلم لیگ(ن) کی ممبر صوبائی اسمبلی حنا پرویز بٹ نے معروف ماڈل قندیل بلوچ کے قتل پر پنجاب اسمبلی میں تحریک التوائے کار جمع کر دی۔پیر کے روز جمع کرائی جانیوالی قرارداد میں کہا گیا ہے کہ مقامی اخبار کی خبر کے مطابق ڈیرہ غاریخان کی رہائشی ماڈل قندیل بلوچ کو اس کے سگے بھائی وسیم نے ملتان کے علاقہ مظفر آباد میں غیرت کے نام پر قتل کر دیا۔ لاش پوسٹمارٹم کے لئے نشتر ہتپتال ملتان لائی گئی جہاں ڈاکٹروں نے پوسٹمارٹم کیا اور ان کی رپورٹ کے مطابق اس کی موت دم گھٹنے سے ہوئی ہے۔ ملزم وسیم نے اعترافی بیان میں کہا کہ میں نے اپنی بہن کو اس لئے مارا ہے کیونکہ اس کی ویڈیو اور ٹی وی چینلز پر تنازعات کا سلسلہ شروع ہو گیا تھا جس کی وجہ سے لوگوں نے میرا جینا محال کر دیا تھا۔ ملزم نے کہا کہ لوگوں کے طعنے مجھ سے بربرداشت نہیں ہو رہے تھے اس لئے میں نے یہ فیصلہ کیا کہ اپنی بہن کو قتل کر دوں گا اور قتل کرنے کے بعد سعودی عرب بھاگ جائوں گا۔ ذرائع سے معلوم ہوا کہ مقتولہ قندیل بلوچ اپنے بھائی سمیت اپنے والدین کی مالی اعانت بھی کرتی تھی لیکن اچانک ملزم وسیم نے اپنی بہن کو قتل کر دیا۔ غیرت کے نام پر قتل ہونیوال قندیل بلوچ کی موت سے نہ صرف میڈیا بلکہ این جی اوز اور سول سوسائٹیز میں بھی ہلچل مچی ہوئی ہے۔ اخبارات اور تمام ٹی وی چینلز پر قندیل بلوچ کی موت کے اسباب جاننا زیر بحث ہے۔ این جی اوز اور سول سوسائٹی کے لوگ سراپا احتجاج ہیں کہ غیرت کے نام پر عورت کوقتل نہیں کیا جانا چاہئے اور یہ قتل گورنمنٹ کے لئے ایک سوالیہ نشان ہے۔ مقتولہ کے والدین کا گورنمنٹ انفورسمنٹ ایجنسیز سے پر زور مطالبہ ہے کہ ملزم کیخلاف سخت سے سخت تادیبی کارروائی عمل میں لائی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)سجادہ نشین دربار عالیہ قادریہ قلندریہ تمیرشریف اسلام آبادپیر نسیم احمداولیاء نے کہاہے کہ اولیاء اللہ کی تعلیمات امن کیلئے لازم و ملزوم ہیں۔ان کی تعلیمات امن، اخوت،بھائی چارے کا درس دیتی ہیں۔ موجودہ نفسا نفسی اور دہشت گردی کے عروج کے دور میں ان تعلیمات پر عمل پیرا ہوکر ملک سے بدامنی و دہشت گردی کا خاتمہ ہوسکتا ہے بشرطیکہ ہم سب لسانی،گروہی ، مذہبی و مسلکی اختلافات کو بھلا کر نچلی سطح پر قیام امن کیلئے جدوجہد کریں۔ ان خیالات کااظہارانہوں نے خطہ پوٹھوہار کے عظیم روحانی پیشوا،ولی اللہ ،درویش ،فقیرسلطان العارفین حضرت سائیں محمد اشرف بادشاہ قادری قلندری کے 77ویں سہ روزہ سالانہ عرس کی اختتامی تقریب کے موقع پرزائرین سے خطاب کرتے ہوئے کیا۔دربار عالیہ قادریہ قلندریہ تمیرشریف اسلام آبادکے ترجمان محمد محسن عزیزکے مطابق تقریب کی صدارت صاحبزادہ پیر سائیں مطلوب حسین سجادہ نشین کامرہ شریف نے کی جبکہ اس موقع پر پروفیسر حبیب الرحمن،ماہرتعلیم چیئرمین دی سٹیئرزموٹیسوری اینڈسکول خرم کالونی مسلم ٹائون راولپنڈی قاضی مسعودالحسن، قاضی مشتاق احمد،مفتی عبدالجلیل ہاشمی،مولاناقاضی مسعودالرحمن،خطیب مرکزی جامع مسجدتمیرشریف مولاناقاضی اشتیاق احمد،قاضی فاروق احمد،پروفیسرجمیل احمد،مولاناقاضی شاہداحمد شریف اورصاحبزادہ سالم عزیزبھی موجودتھے جبکہ عرس میں پاکستان کے مختلف حصوں سے تعلق رکھنے والے ان کے وابستگان کی بڑی تعداد شریک ہوئی ۔پیرنسیم احمد نے کہاکہ اللہ کے محبوب بندوں کا فیضان ان کے دنیا سے پردہ کر جانے کے بعد بھی جاری و ساری رہتا ہے ، اور اللہ و رسول اللہ کے محبوب بندوں سے محبت اورعقیدت رکھنے والے اس سے فیص یاب ہوتے رہتے ہیں کامیاب رہتے ہیں وہ لوگ جنھیں رب العزت دنیا محبوب بنالے اورخوش قسمت ہوتے ہیں وہ لوگ جو ان سے فیض یاب ہوا کرتے ہیں۔انہو ں نے کہاکہ دنیا میں اسلام تلوار کے زور سے نہیں بلکہ سیرت و کردار کے زور سے پھیلا ہے۔ برصغیر پاک و ہند میں تبلیغ اسلام اور اشاعت دین کا سہرا اولیاء کرام اور صوفیاء عظام کے سر ہے اور اس خطے میں ان نفوس قدسیہ کا وجود اللہ کریم کا بہت بڑا انعام ہے۔ جو کام غازیان اسلام کی شمشیر اَبدادر ارباب ظواہر کی علمیت سے نہ ہو سکا وہ خدا وند تعالیٰ کے ان مقبول و برگزیدہ بندوں نے بخوبی اپنے اعلی سیرت و کردار سے سرانجام دیا۔ انہوں نے شبانہ روز محنت اور اخلاق حسنہ سے بر صغیر پاکستان و ہندوستان کو نور اسلام سے منور کیا اور اسلام کے ننھے منے پودے کو سر سبز و شاداب اور قد آور درخت بنا دیا۔ پیرنسیم احمد کاکہناتھاکہ ہمارے اسلاف اور اولیائے کرام نے مکالمہ کے ذریعے لوگوں کو پرامن رکھا اور طاقت کے ذریعے اپنے نظریات اور افکار مسلط نہیں کئے۔قرآن مجید، مخالف مذاہب اور عقائدکے ماننے والوں کو صفحہ ہستی سے مٹانے کا نہیں بلکہ ‘ لکم دینکم ولی دین’ اور ‘ لااکراہ فی الدین’ کادرس دیتاہے اور جو انتہاپسند عناصر اس کے برعکس عمل کررہے ہیں وہ اللہ تعالیٰ، اس کے رسول سلم ، قرآن مجید اور اسلام کی تعلیمات کی کھلی نفی کررہے۔ عرس کی اختتامی تقریب سے خطاب کرتے ہوئے مقررین نے سلطان العارفین سائیں محمداشرف بادشاہ قادری قلندری کی دینی و ملی خدمات پر روشنی ڈالتے ہوئے انھیں زبردست الفاظ میں خراج عقیدت پیش کیا انھوں نے کہا کہ دین اشاعت اور فروغ میں علماء کرام اکابرین و مشائخ عظام کی خدمات اور جہدوجہد کو ہر گز نظر انداز نہیں کیا جا سکتا، یہ وہ گل دستے ہیں جنکی مہک اور خوشبو قیامت جاری و ساری رہے گی ، انھوں نے کہا کہ جولوگ اللہ کے ہو کر اس کی مانتے ہیں پھر یقینا وہی ہوتا ہے جو وہ اللہ سے طلب کرتے ہیں دین محمدی اللہ سے جڑے اور اللہ تبارک و تعالی اور حضور نبی کریمۖ کے احکامات و ارشادات پر عمل کرنے والے دنیا و آخرت میں سرخرو رہتے ہیں اسی راستے میں اطمینان قلب اور ذہنی سکون بھی ہے اور کامیابی و کامرانی بھی جاری دنیاوی مسائل سے خلاصی کا اصل راستہ بھی یہی ہے ۔خطہ پوٹھوہار کے عظیم روحانی پیشوا،ولی اللہ ،درویش ،فقیرسلطان العارفین حضرت سائیں محمد اشرف بادشاہ قادری قلندری کے 77ویں سہ روزہ سالانہ عرس کی تقریبات سجادہ نشین دربار عالیہ پیر نسیم احمدکی زیرنگرانی تمیر شریف اسلا م آباد میںاختتام پذیرہوگئیں۔عرس کی تقریبات کاباقاعدہ آغازغسل دربار شریف سے ہوا،سجادہ نشین دربار عالیہ پیر نسیم احمد ہزاروں زائرین کی موجودگی میں روضہ مبارک کوعرق گلاب سے غسل دیا اور پھولوں کی چادریں چڑھائی گئیں۔سہ روزہ عرس کے دوسرے روز سلطان العارفین حضرت سائیں محمداشرف بادشاہ قادری قلندری کے حضورڈالیاںپیش کی گئیں۔تمیرگائوں، لہتراڑ،کوٹلی ستیاں،ترامڑی چوک،غوری ٹائون،غوری گارڈن،کورال چوک،جھٹہ ہتھیال، تختی راجگان،نکڑالی چک بیلی روڈ،پوٹھی گوجرخان،علی پور،جھنگ سیداں،راولپنڈی،لاہوراورچکوال سے درجنوںڈالیاں پیش کی۔ عرس کی خصوصی تقریب زائرین کی پریڈتھی جس دوران زائرین پریڈکرتے ہوئے دربارشریف کوسلامی دیتے ہوئے گزرے ۔اس موقع پر دربار شریف میںنعت خوانی اور محفل سماع ہوئی جس میںمعروف نعت خوان اور قوالوں نے نذرانہ عقیدت پیش کیا محفل نعت وسماع صبح نمازفجرتک جاری رہی،جس کے بعد سجادہ نشین دربار شریف پیر نسیم احمد ملک وقوم کی فلاح و بہبود کے لیے خصوصی اجتماعی دعا کرائی۔ ملک بھرکے مختلف علاقوں سے آئے ہزاروں افراد عرس کی تقریبات میں شرکت کے لیے تمیر شریف اسلام آبادپہنچے ۔عرس کی تقریبات کے دوران تین دن تک دربار کی جانب سے زائرین میں لنگر بھی تقسیم کیا گیا۔ عرس کے موقع پرسلطان العارفین حضرت سائیں محمد اشرف بادشاہ قادری قلندری کی بستی تمیرشریف میں میلہ لگایاگیا اور دربارشریف پر خوبصورت برقی قمقموں سے چراغاں کیا گیااورجھنڈوںاورجھنڈیوں سے سجایاگیاتھا۔ اس موقع پر کسی بھی ناخوشگوار واقعہ سے نمٹنے کیلئے سیکورٹی کے سخت ترین حفاظتی انتظامات کیئے گئے ۔رضاکاروں کے علاوہ مقامی پولیس کے سیکڑوں جوانوںنے سیکورٹی کی ذمہ داریاں سرانجام دیں ۔ # ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)خادم اعلیٰ پنجاب کے حلقے کے لوگ پانی کی بوندبوندکوترس گئے،خالق نگرکی عوام واپڈا کیخلاف سراپا احتجاج،تفصیلات کے مطابق وزیراعلیٰ پنجاب کے انتخابی حلقہ پی پی 159کے علاقے خالق نگر میں گزشتہ کئی ماہ سے عوام کے ساتھ واپڈا اہلکاروں کا ناروا سلوک جاری ہے۔ علاقے میں کئی ماہ سے بجلی کی کمی بیشی ہو رہی ہے۔ کبھی تو بہت کم وولٹج ہو جاتے ہیں ۔اور کبھی تو بہت زیادہ وولٹج کے آنے سے عوام کی قیمتی اشیاء جل کر خاکستر ہوچکی ہیں،جس سے عوام کئی ماہ سے واپڈا اہلکاروں کے ناروا سلوک پر سراپا احتجاج ہیں،متعددبار بجلی بل کی پشت پر درج موبائل نمبر پر بھی کال کر کے شکائیت درج کروائی گئی ،لیکن واپڈا اہلکاروں کے سر پر جوں تک نہ رینگی،سب ڈویژن صوفیہ آباد کے لائن سپریٹنڈنٹ شفیق کے سرکاری موبائیل نمبر0347-0012745پر متعددبار کمپلینٹ درج کرائی گئی متعدد بار عوام خود بھی سب ڈویژن صوفیہ آباد میں کمپلینٹ درج کروا چکے ہیں لیکن واپڈا کا عملہ ٹس سے مس نہیں ہوا ۔ آئے روز کی بجلی ٹرپنگ اور کمی بیشی نے جہاں عوام کو مشکلات میں مبتلا کر رکھا ہے وہاں پر واپڈا اہلکاروں کے عوام کیساتھ نارواسلوک اور گھریلو قیمتی اشیاء جل جانے سے بھی عوام ذہنی امراض میں مبتلا ہوچکے ہیں،لائن سپریٹنڈنٹ شفیق کواس کے سرکاری نمبر پر متعددبار کال کرکے کمپلینٹ کی گئی ،اس سے بجلی کی کمی بیشی کے بارے نوٹس لینے کا مطالبہ کیا گیا،لائن سپریٹنڈنٹ شفیق کا کہنا تھا کہ ٹرانسفارمر میں خرابی ہے اُسے ٹھیک کرنے کے لئے عوام رقم کا بندوبست کرے۔ عوام بے چاری پہلے ہی بجلی کے بھاری بلوں کی وجہ سے پریشان ہے،اوپر سے واپڈا اہلکاروں کے روز روز کے مطالبات سے بھی عوام زہنی کوفت میں مبتلا ہوچکی ہے،اہل علاقہ نے بتایا کہ انہیں صرف اور صرف خادم اعلیٰ پنجاب میاں محمد شہبازشریف کو ووٹ دینے کی سزا دی جارہی ہے،کیونکہ جب بھی بجلی کے متعلق واپڈا اہلکاروں سے کمپلینٹ کی جاتی ہے تو وہ کہتے ہیں اور دو شیر کو ووٹ۔۔۔۔خالق نگر کی عوام نے اعلیٰ حکام سے مطالبہ کیا ہے کہ خالق نگر کی عوام کو خادم اعلیٰ پنجاب کو ووٹ دینے کی سزا نہ دی جائے اور بجلی کا ٹرانسفارمر کا مسئلہ خصوصی دلچسپی لے کر حل کروایا جائے،ذمہ داران کیخلاف قانونی کارروائی عمل میں لائی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تحریک اُویسیہ پاکستان کے زیراہتمام تحفظ حرم نبوی کانفرنس 24جولائی کو ہوگی لاہور(جی پی آئی)مدینہ منورہ میں بم دھماکوں کی پُرزورمذمت اورجذبہ تحفظ حرم نبوی ۖکی اہمیت اُجاگرکرنے کیلئے تحریک اُویسیہ پاکستان کے زیراہتمام تحفظ حرم نبوی کانفرنس24جولائی 2016بوقت 3:30بمقام پنجابی کمپلیکس آڈیٹوریم قذافی سٹیڈیم فیروزپورروڈ لاہورمیں ہوگئی ۔ملک بھرسے عاسقان رسول ۖ کانفرنس میں شرکت کریں گے۔کانفرنس کے شرکہ سے خطاب میں حضرت پیرغلام رسول اُویسی :مرکزی امیرتحریک اُویسیہ پاکستان اورسیدعرفان احمد شاہ اُویسی :مرکزی نائب امیرتحریک اُویسیہ پاکستان مسلمانوں کے مقدس مذہبی مقامات ،خاص طورپر حرم بنوی ۖ کے تحفظ کاجذبہ اجاگرکریں گے
پیغام حق و اتباع سنت کویت کے سرپرست اعلی ملا محمد طارق نے تنظیم کو تحلیل کر دیا
گجرات کی خبروں کی تصویری جھلکیاں
