واشنگٹن (جیوڈیسک) وزیر اعظم نواز شریف کے دورہ امریکہ سے پہلے امریکی ایوان نمائندگان میں ایک قرار داد پیش کی گئی ہے جس میں جمہوریت کی مضبوطی اور دوسرے شعبوں میں پاکستان کے ساتھ تعاون کو بڑھانے پر زور دیا گیا۔
قرار داد سینئر رکن کانگریس شیلا جیکسن لی کی طرف سے پیش کی گئی، جس میں پاکستان میں حکومت کی جمہوری طریقے سے منتقلی پر وزیر اعظم نواز شریف کو جمہوریت کی علامت قرار دیا گیا۔
قرار داد میں دہشت گردی کے خلاف جنگ میں پاکستانی حکومت اور افواج پاکستان کے اٹھائے گئے اقدامات کو سراہا گیا اور پاکستانی عوام کے ساتھ یک جہتی کا بھی اظہار کیا گیا۔
نائجیریا: خودکش دھماکوں اور فائرنگ سے 11 افراد ہلاک
پاکستان اور امریکہ کے مابین کسی ڈیل پر بات نہیں ہو رہی: ترجمان دفتر خارجہ
