امریکا (اصل میڈیا ڈیسک) امریکی انتظامیہ کے ایک اعلی عہدے دار نے انکشاف کیا کہ وائٹ ہاؤس کے مشیر جیرڈ کشنر اعلیٰ اختیاراتی وفد کے ہمراہ آئندہ ہفتے اسرائیل اور مراکش دورہ کریں گے۔
امریکی وفد ایک ایسے وقت میں افریقا اور مشرق وسطیٰ کا دورہ کر رہا ہے جب حال ہی میں رباط اور تل ابیب کے مابین امن معاہدے کا اعلان کیا گیا تھا۔ امریکی وفد اسی معاہدے کو آگے بڑھانے کے لیے دونوں ملکوں کی قیادت سے بات چیت کرے گا۔ ذرائع نے کہا کہ امریکی وفد تل ابیب پہنچ کر وہاں سے اسرائیلی عہدیداروں کو اپنے ساتھ لے کر مراکش روانہ ہو گیا۔ دونوں ملکوں کے درمیان یہ اپنی نوعیت کا پہلا فضائی کمرشل سفر ہو گا۔
اس دورے میں جیرڈ کشنر کے ہمراہ امریکا کے مشرق وسطی کے مندوب ایوی برکوویٹز اور یو ایس فاؤنڈیشن برائے بین الاقوامی ترقی کے سربراہ ایڈم بوہلر پیر کو اسرائیل پہنچیں گے۔
عہدیدار نے یہ بھی کہا کہ یروشلم میں امریکی وفد اسرائیلی وزیر اعظم بنجمن نیتن یاہو سے بات چیت کرے گا۔
انہوں نے مزید کہا کہ توقع کی جارہی ہے کہ العال کمپنی آئندہ منگل کو تل ابیب سے رباط کے لیے پہلی براہ راست پرواز چلائے گی۔
کراچی: بلاول چورنگی پر کھڑی گاڑی میں نصب بم ناکارہ بنا دیا گیا
سعودی عرب : کووِڈ-19 کی ویکسین لگوانے کے خواہاں افراد کی رجسٹریشن کا آغاز
