امریکا (اصل میڈیا ڈیسک) امریکی صدر جوبائیڈن نے افریقی ممالک سے سفری پابندیاں ہٹانے کا اعلان کیا ہے۔
صدر جوبائیڈن کا کہنا تھا کہ تمام افریقی ممالک سے سفری پابندیاں جمعہ کو ختم ہو جائیں گی،عوام کی صحت کے تحفظ کے لیے سفری پابندیوں میں توسیع کی ضرورت نہیں ہے ۔
واضح رہے کہ امریکہ سمیت کئی ممالک نے کورونا کی نئی قسم اومی کورون کی وجہ سے افریقی ممالک پر سفری پابندیاں عائد کر دی تھیں، تاہم اب امریکی صدر نے باضابطہ طور پر ان پابندیوں کو ہٹانے کی تصدیق کردی ہے۔
جن ممالک پر پابندیاں عائد کی گئی تھیں ان میں جنوبی افریقا، بوتسوانا، زمبابوے، نمیبیا، لیسوتھو، ایسواٹینی، موزمبیق اورملاوی شامل ہیں۔
یاد رہے کہ ان سفری پابندیوں کو جنوبی افریقہ کے صدر نے غیر منصفانہ قرار دیا تھا۔
صدر سائرل راما فوسا کا کہنا تھا کہ وائرس نے غیر ویکسین شدہ افراد کو نشانہ بنایا ہے، اور ایسی پابندیوں سے معاشی صورتحال خراب ہو گی۔
انہوں نے عالمی برادری سے پابندیاں فوری ختم کرنے کا مطالبہ کیا ہے۔
جنوبی افریقہ کے وزیر خارجہ کا کہنا تھا کہ انہیں کووڈ 19 کی نئی قسم اومی کرون کی دریافت پر داد دینے کی بجائے سزا دی جا رہی ہے۔
جرمنی میں دائیں بازو کے چھ سو انتہا پسندوں کے وارنٹ گرفتاری
عالمی ادارہ صحت: اومیکرون ابھی تک ایک خطرہ ہے
