واشنگٹن (جیوڈیسک) امریکی محکمہ خارجہ نے 2 پاکستانی شدت پسند تنظیموں کو عالمی دہشت گرد تنظیموں کی فہرست میں شامل کرلیا۔
ٖغیر ملکی خبر رساں ادارے اے ایف پی کے مطابق امریکی محکمہ خارجہ نے طارق گیدڑ گروپ ( ٹی جی جی) اور جماعت الدعوۃ القرآن ( جے ڈی کیو) کو ’’خصوصی عالمی دہشت گرد گروہ‘‘ کی فہرست میں شامل کرلیا ہے جس کے بعد نہ صرف ان تنظیموں کے امریکا میں اثاثے منجمند کردیئے جائیں گے بلکہ تحقیقات بھی شروع کی جائیں گی، اس کے علاوہ امریکی شہریوں کے ان تنظیموں سے رابطوں پر بھی پابندی ہوگی۔
ٹی جی جی کا تعلق کالعدم تحریکِ طالبان پاکستان ( ٹی ٹی پی ) سے ہے اور اس کا مرکز درہ آدم خیل ہے جب کہ یہ گروپ پشاور کے آرمی پبلک اسکول پر حملے میں بھی ملوث رہا ہے۔ ٹی ٹی جی کا سربراہ عمر منصور ہے جس کے ساتھیوں نے 20 جنوری 2016 میں چارسدہ یونیورسٹی پر حملہ کیا اور اس کے نتیجے میں 20 طالب علم جاں بحق ہوئے۔
اوباما جاپان پہنچ گئے ؛ ایٹمی بمباری پر معافی کے مطالبے میں شدت
لندن میں تحریک انصاف کا وزیراعظم نوازشریف کے صاحبزادے کی رہائش گاہ کے باہر احتجاج
