نیویارک (جیوڈیسک) امریکا میں مسافر ٹرین کے پٹری سے اترنے کے باعث 5 افراد ہلاک جب کہ درجنوں زخمی ہو گئے۔
نیویارک اورواشنگٹن کے درمیان چلنے والی مسافر ٹرین کا انجن اور 7 بوگیاں فلاڈیلفیا کے قریب پٹری سے اتر گئیں، حادثے کے وقت ٹرین پر 238 مسافر اور عملے کے پانچ ارکان سوار تھے۔
حادثے کی اطلاع ملتے ہی امدادی کارروائیاں شروع کر دی گئیں اور امدادی کارکنوں نے ریل کی بوگیوں میں پھنسے لوگوں کو نکال کر انہیں طبی امداد کی فراہمی شروع کردی۔
فلاڈیلفیا کے میئرمائیکل نٹر نے حادثے میں 5 افراد کی ہلاکتوں کی تصدیق کرتے ہوئے کہا ہے کہ کم ازکم 49 افراد زخمی ہوئے ہیں جن میں سے 6 کی حالت تشویش ناک ہے۔
حادثے کے بعد فی الوقت فلاڈیلفیا سے نیویارک کے لیے ٹرین سروس معطل کر دی گئی ہے۔ اس حادثے کی وجوہات فوری طورپرمعلوم نہیں ہو سکیں تاہم امریکا کی تحقیقاتی ایجنسی”ایف بی آئی” نے بھی تفتیش شروع کردی ہے۔
افغانستان میں نشے کے عادی افراد کی تعداد دوگنا ہو گئی
پابندیوں سے دباؤ ڈالنے کی کوشش سے معاملات آخری حد تک پہنچ جائینگے: روس
