پشاور (اصل میڈیا ڈیسک) محکمہ صحت خیبرپختونخوا نے تمام سرکاری ملازمین کے لیے کورونا ویکسین لازمی قرار دے دی۔
محکمہ صحت کی جانب سے جاری اعلامیے کے مطابق ملازمین کو کورونا ویکسین لگوانے کے لیے سرکاری محکموں کو مرحلہ وار ڈیڈ لائن دے دی گئی ہے۔
اعلامیے میں محکمہ صحت نے تمام محکموں کےانتظامی سربراہان کو اپنے اسٹاف کو ویکسین لگوانے کی ہدایت کی ہے۔
اعلامیے میں کہا گیا ہےکہ 21 محکموں کو 30 جون اور 11 محکموں کو 15 جولائی کی ڈیڈ لائن دی گئی ہے، مقررہ تاریخ تک ویکسین نا لگوانے والے ملازمین کا دفتر میں داخلہ ممنوع ہو گا۔
پنجاب کے کسی ضلعے میں ویکسین کی قلت نہیں: یاسمین راشد
قائمہ کمیٹی پارلیمانی امور میں الیکشن اصلاحات کا بل کثرت رائے سے منظور
