تحریک انصاف کی آزادی مارچ کیلئے گھر گھر رابطہ مہم

Posted on August 10, 2014 By Geo1 Webmaster اہم ترین, مقامی خبریں

PTI

مظفرآباد (جیوڈیسک) 14 اگست کو یوم آزادی کے موقع پر تحریک انصاف کے سربراہ عمران خان کی کال پر آزاد کشمیر بھر سمیت دارالحکومت مظفرآباد میں کارکنوں نے عوام کو شریک کرنے کیلئے گھر گھر رابطہ مہم شروع کردی’ 14 اگست کو مظفرآباد سے ایک بڑاقافلہ جس کی قیادت ڈاکٹر لطف الرحمن کریں گے تحریک انصاف کے آزادی مارچ میں شرکت کرے گا۔

جس کے لئے تمام انتظامات مکمل کرلئے گئے ۔مظفرآباد میں تحریک انصاف کی جانب سے مختلف مقامات پر دفاتر قائم کئے گئے ہیں جہاں عام شہری اپنی گاڑیوں کیساتھ لانگ مارچ میں شرکت کیلئے نام درج کرارہے ہیں۔ یہ سلسلہ گزشتہ ایک ہفتے سے جاری ہے جبکہ 14 اگست کو مظفرآباد سے سینکڑوں گاڑیوں اور موٹر سائیکلوں پر ہزاروں افراد پر مشتمل قافلہ اسلام آباد کے دھرنے میں شرکت کرے گا۔

یہ قافلہ لانگ مارچ کی شکل میں مظفرآباد سے اسلام آباد کی طرف روانہ ہوگا، تحریک انصاف کے کارکنوں میں جوش وخروش پایا جاتا ہے۔کارکنوں کا کہنا ہے کہ آزادی مارچ ہر صورت میں ہوگا،ملک میں تبدیلی کنفرم ہو چکی ہے۔

by Geo1 Webmaster

Nasir Mehmood - Chief Editor at GeoURDU.com

چکلالہ ریلوے اسٹیشن سے تین مبینہ دہشت گرد گرفتار، 2 خود کش جیکٹس برآمد عوامی تحریک اور پنجاب حکومت تشدد کا راستہ نہ اپنائیں : الطاف حسین