اسلام آباد (اصل میڈیا ڈیسک) الیکشن کمیشن نے این اے 133 کی انتخابی مہم کے دوران ضابطہ اخلاق کی خلاف ورزی پر (ن) لیگ کے ارکان کو نوٹس جاری کر دیے۔
الیکشن کمیشن نے لاہور کے حلقہ این اے 133 کے ضمنی الیکشن کے سلسلے میں چلائی جانے والی انتخابی مہم کے دوران ضابطہ اخلاق کی خلاف ورزی پر لیگی ارکان سے وضاحت طلب کی ہے اور انہیں 18 نومبر تک جواب دینے کا حکم دیا ہے۔
ترجمان الیکشن کمیشن پنجاب کے مطابق ڈسٹرکٹ مانیٹرنگ آفیسر نے مسلم لیگ (ن) کی امیدوار شائستہ پرویز ملک کی انتخابی مہم چلانے پر 3 ارکان اسمبلی کونوٹس جاری کیے۔
ترجمان نے بتایا جن افراد کو نوٹس جاری کیے گئے ان میں شائستہ پرویز ملک کے بیٹے ایم این اے علی پرویز ملک، ایم پی اے خواجہ عمران نذیراور ایم پی اے رمضان صدیق شامل ہیں۔
الیکشن کمیشن کا کہنا ہے کہ ڈسٹرکٹ مانیٹرنگ آفیسر نے تینوں کو 18 نومبر کو وضاحت کے لیے طلب بھی کیا ہے۔
کوآپریٹو مارکیٹ آتشزدگی: تاجروں کا نقصان کے ازالے کیلئے 24 گھنٹے کا الٹی میٹم
ڈینگی شدت اختیار کر گیا، پلیٹ لیٹس کی فراہمی اور اسپرے مہم بھی بند
