لاہور (جیوڈیسک) نیشنل کرکٹ اکیڈمی لاہور میں چیف سلیکٹر ہارون رشید نے پریس کانفرنس میں قومی ٹیم کا اعلان کیا۔ چیف سلیکٹر نے بنگلا دیش کے خلاف سیریز میں تینوں فارمیٹ کے لیے اسکواڈ کا اعلان کیا۔
ٹیسٹ کے لیے 16 رکنی اسکواڈ میں بابر اعظم ، محمد حفیظ ، سمیع اسلم ، مصباح الحق ، اسد شفیق ، اظہر علی ، یونس خان ، حارث سہیل ، سعید اجمل ، یاسر شاہ ، ذوالفقار بابر ، سرفراز احمد ، وہاب ریاض ،جنید خان ، سہیل خان اور راحت علی شامل ہیں۔ ون ڈے کے 15 رکنی اسکواڈ میں سمیع اسلم ، سرفراز احمد، محمد حفیظ ، اسد شفیق ،فواد عالم ، اظہر علی ، محمد رضوان ،صہیب مقصود، یاسر شاہ ، وہاب ریاض ، راحت علی ، احسان عادل، سہیل خان ، حارث سہیل، سعید اجمل کو بھی شامل کیا گیا ہے۔
ٹی 20 کے بھی 15 رکنی اسکواڈ میں احمد شہزاد ، سرفراز احمد ، محمد حفیظ ، مختار احمد ، صہیب مقصود ، حارث سہیل ، محمد رضوان ، سعید اجمل ، شاہد آفریدی ، سہیل تنویر ، سعد نسیم ، وہاب ریاض ، سہیل خان ، عمر گل اور جنید خان شامل ہیں۔
قومی ٹیم بنگلا دیش کے خلاف سیریز سے پہلے تربیتی کیمپ میں حصہ لے گی جس کے بعد بنگلا دیش روانہ ہو گی جہاں اسے دو ٹیسٹ ، تین ایک روزہ اور ایک ٹی 20 میچ کھیلنا ہے۔
ووسٹر شائر کو سعید اجمل کی واپسی کا انتظار
سریش رائنا اپنی زندگی کی نئی اننگز کھیلنے کیلئے تیار
