لاہور (جیوڈیسک) وہاب ریاض سری لنکا کیخلاف ٹی ٹوئنٹی سیریز سے دستبردار ہوگئے، یوں ضیا الحق کی قسمت کھل اٹھی، ٹیسٹ کے دوران ہاتھ فریکچر ہونے کے بعد وطن واپس آنے والے سینئر فاسٹ بولر تیزی سے روبصحت ہیں، انھوں نے نیشنل کرکٹ اکیڈمی میں ٹریننگ بھی شروع کردی تھی۔
میچ فٹنس کا حتمی جائزہ لینے کے بعد ہی انھیں یا متبادل نوجوان پیسر ضیاالحق کو کولمبو روانہ کرنے کا فیصلہ کیا جانا تھا، جمعے کو پی سی بی کی پریس ریلیز میں بتایا گیا کہ وہاب ریاض انٹرنیشنل کرکٹ کیلیے میدان میں اترنے سے پہلے اپنی فٹنس پر مزید کام کرنا چاہتے ہیں۔
اس لیے انھوں نے خود ہی سری لنکا کیخلاف ٹی ٹوئنٹی سیریز سے دستبرداری کا اعلان کردیا، ذرائع کا کہنا ہے کہ پیسر کو بولنگ کرتے ہوئے بازو میں کھچاؤ محسوس ہوا تھا،اس وجہ سے انھوں نے کسی جلد بازی سے گریز کرتے ہوئے ضیاالحق کے ڈیبیو کیلیے راستہ کھلا چھوڑ دینا ہی مناسب سمجھا۔
کوچ نے یونس خان پر پریشر ڈالنے کا الزام مسترد کر دیا
سابق پاکستانی کپتان ظہیر عباس آج 68 ویں سالگرہ منا رہے ہیں
