واپڈا فیسکو اکڑیانوالہ سب ڈویژن کے علاقہ پٹھان کوٹ شاہ نکڈر کا رہائشی آبادی کا ٹرانسفارمر 15 روز سے خراب
Posted on May 8, 2014 By Geo1 Webmaster سٹی نیوز
جھنگ (شفاکت ا للہ سیال ) واپڈافیسکو اکڑیانوالہ سب ڈویژن کے علاقہ پٹھان کوٹ شاہ نکڈر کا رہائشی آبادی کاٹرانسفارمر 15روزسے خراب ہے جبکہ شدید ترین گرمی میں خواتین ، معصوم بچے ، طلباء ، ضعیف و بیمار افراد خوار ہو گئے ہیں مگر دوسری جانب فیسکو حکام نے اپنی مدد آپ کے تحت ٹرانسفارمر مرمت کروانے کیلئے آبادی کے رہائشیوںسے 30 ہزار روپے کی رقم طلب کرلی ہے۔
جس پر صارفین نے شدید احتجاج کرتے ہوئے چیف ایگزیکٹو فیسکو خورشید عالم سمیت دیگر حکام سے صورتحال کا فوری نوٹس لینے اور بلاتاخیر نیا ٹرانسفارمر نصب کرنے کا مطالبہ کیاہے۔ اہلیان علاقہ پٹھان کوٹ شاہ نکڈر واپڈ فیسکو سب ڈویژن اکڑیانوالہ جھنگ نے میڈیاکوبتایاکہ آبادی میں درجنوں گھروں میں سینکڑوں افراد مقیم ہیں جو ہر ماہ باقاعدگی سے بجلی کا بل بھی ادا کررہے ہیں ۔ انہوںنے بتایاکہ 15روز قبل علاقہ کا ٹرانسفارمر اچانک خراب ہو گیا۔
جس پر اب محکمہ کے عملہ کا کہناہے کہ چونکہ مذکورہ ٹرانسفارمر اپنی مدد آ پ کے تحت سیلف ہیلپ کی بنیاد پر مرمت کروانا ہے لہٰذا انہیں 30ہزار روپے کی رقم ادا کی جائے ۔ انہوںنے کہاکہ علاقہ کے اکثر لوگ غریب گھرانوں سے وابستہ ہیں جن کیلئے اتنی رقم کا انتظام کرنا کسی بھی صورت ممکن نہیں ۔انہوںنے فیسکو حکام سے صورتحال کافوری نوٹس لینے اور بلا تاخیر خراب ٹرانسفارمر تبدیل کرنے کا مطالبہ کیاہے تاکہ شدید گرمی میں سخت مشکل کاشکار صارفین سکھ کا سانس لے سکیں۔
ڈنگہ کی خبروں کی تصویری جھلکیاں
