لاہور (جیوڈیسک) وزیر اعلی محمد شہباز شریف نے ہدایت کی ہے کہ انتظامیہ اور واسا افسران دفاتر میں بیٹھنے کی بجائے فیلڈ میں جائیں،اور اراکین صوبائی اسمبلی اور واسا افسران نشیبی علاقوں سے پانی کی نکاسی کی خود نگرانی کریں۔
وزیر اعلی پنجاب نے جاں بحق ہونے والوں کے لواحقین کو 5،5 لاکھ اور شدید زخمیوں کو 1،1 لاکھ روپے دینے کا اعلان کیا ہے۔ لاہور سے جاری اپنے ایک بیان میں وزیر اعلی پنجاب شہباز شریف نے کہا ہے کہ حادثات میں زخمی ہونے والوں کو بہترین طبی سہولتوں کی فراہمی کویقینی بنایا جائے ، اور فوری امدادی کارروائیاں کی جائیں۔
وزیر اعلی پنجاب نے بارش کے نتیجے میں مختلف حادثات میں انسانی جانوں کے ضیاع پر گہرے دکھ اور افسوس کا اظہار کیا ہے ،اور جاں بحق ہونے والوں کے لواحقین کو 5،5 لاکھ اور شدید زخمیوں کو 1،1 لاکھ روپے دینے کا اعلان کیا ہے۔
انہوں نے کہا کہ صوبے بھر کے انتظامی افسران بارش کی صورتحال کا جائزہ لینے اور امدادی کارروائیوں کا جائزہ لینے کے لئے خود فیلڈ میں موجود رہیں۔ وزیر اعلی پنجاب نے افسران کو متنبہ کیا کہ امدادی کارروائیوں میں کوئی غفلت برداشت نہیں کی جائے گی۔ جماعت اسلامی کے امیر سراج الحق،اور تحریک انصاف کے چئیرمین عمران خان اور اعجاز چوہدری نے بارش سے ہونےوالی اموات پر غم و رنج کا اظہار کیا ہے۔
لاہور : بارش کرنٹ لگنے سے مختلف علاقوں میں 18 افراد ہلاک
وزیر اعظم نواز شریف سے اپوزیشن جرگے کی ملاقات
