پانی کے تنازع پر پاکستان اور بھارت کے تین روزہ مذاکرات بے نتیجہ ختم

Posted on August 26, 2014 By Majid Khan اہم ترین, بین الاقوامی خبریں, لاہور, مقامی خبریں

Pakistan, India

لاہور (جیوڈیسک) لاہور میں جاری رہنے والے تین روزہ مذاکرات میں پاکستان نے بھارت کو اپنے تحفظات سے آگاہ کر دیا جب کہ انڈس واٹر کمشنرز کی سطح ہونے والے دوطرفہ تین روزہ مذاکرات بے نتیجہ ختم ہو گئے۔ مذاکرات کا حتمی آخری دور ستمبر یا اکتوبر میں دونوں ممالک کے دوران ہو گا۔

بھارت نے ستمبر میں اعتراضات دور نہ کئے تو پاکستان عالمی عدالت یاغیر جانبدار ثالث سے رجوع کر سکتا ہے۔ پاکستانی حکام کا کہنا ہے کہ بھارت کو زیادہ وقت نہیں دیا جائے گا جلد فیصلہ کرنا ہو گا۔ پاکستان اور بھارت نے آئندہ دو ماہ میں سائٹ وزٹ پر اتفاق کر لیا۔

کشن گنگا ڈیم کے ڈیزائن پر بھی پاکستان نے بھارت سے اعتراضات پر تفصیل سے بات کی ہے۔ انڈس واٹر کمشنر پاکستان آصف بیگ نے بتایا کہ مذاکرات کی رپورٹ وفاقی حکومت کو بھجوا دی جائے گی بھارت کے ساتھ معاملات طے ہونے یا نہ ہونے بارے ابھی کچھ نہیں کہا جا سکتا۔