وزیرآباد (نامہ نگار) نشہ آور انجکشن اورزائد المیعاد ادویات کی فروخت کے بعد شہر میں جگہ جگہ کھلی لیبارٹریاں شہریوں کیلئے مسائل پیدا کرنے لگیں،میڈیکل سٹور موت بانٹنے کے مرکز بن گئے۔ محکمہ صحت کے اعلیٰ حکام کی جانب سے کوئی چیک اینڈ بیلنس نہ ہونے کی وجہ سے پورے دھڑلے کے ساتھ نشہ آور ادویات اور ٹیکوں کی فروخت کی جارہی ہے ۔بغیر کسی ڈاکٹری نسنحہ کے ممنوعہ ادویات کی فروخت کی وجہ سے مسائل پیدا ہورہے ہیں، نشہ کی لت لگ جانے والے ٹیکوں کا آسانی سے استعمال کرتے اور اپنی صحت تباہ کررہے ہیں۔ شہر میں جگہ جگہ قائم لیبارٹریاں نان کوالیفائیڈ عملہ چلا کر دونوں ہاتھوں لوٹ رہا ہے۔ امراض کی درست تشخیص نہ ہوسکنے کے باعث نا صرف شہریوں کا قیمتی سرمایہ ضائع ہوتا ہے بلکہ ناقص رزلٹ پر غیر متعلقہ ادویات کا استعمال کروانے کی وجہ سے شہریوں کی زندگیوں کا ساتھ کھیلا جارہا ہے۔ عوامی، سماجی حلقوں نے اعلیٰ حکام سے اصلاح احوال کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(نامہ نگار)مسلم لیگ (ن) کے ایم این اے جسٹس (ر)افتخار احمد چیمہ نے کہا ہے کہ وزیر اعظم پاکستان میاں محمد نواز شریف نے گوادر بندگاہ کا افتتاح کرکے پاکستان کی ترقی کی نئی راہیں کھول دیں ہیں،اب کوئی پاکستان کو ترقی یافتہ ممالک کی صف میں شامل ہونے سے نہیں روک سکتا، بہت جلد پاکستان اقتصادی ترقی منازل طے کرکے ترقی یافتہ ممالک کی صف میں شامل ہوجائے گا۔انہوں نے کہا ہے کہ”سی پیک ”منصوبہ پاکستان کی ترقی اور خوشحالی کا ضامن ہے اس کی مخالفت کرنیوالے پاکستا ن کی ترقی کے مخالف ہیں، مسلم لیگ (ن) کی حکومت عوام کو ریلیف فراہم کر رہی ہے۔پاکستانی عوام میاں محمد نواز شریف پر اعتماد کا اظہا رکر تے ہیں۔ مسلم لیگ (ن) کے قائد میاں محمد نواز شریف عوام کو صحت اور تعلیم جیسی بنیادی سہولیات ان کی دہلیز پر پہنچانے کے لیے کوشش کر رہے ہیں۔افتخار چیمہ نے کہا ہے کہ دوسروں سے حساب مانگنے والے کبھی اپنا احتساب کیوں نہیں کرتے ، کنٹینر کی سیاست کے ذریعے ملکی ترقی کی ٹانگیں کھینچنے والے عمران خان پر زوال کا وقت شرو ع ہوچکا ہے تحریک انصاف کیلئے ناکامی کا بگل بج چکا ہے۔ آئندہ انتخابات میں شیر ایک بار پھر پوری طاقت اور توانائی کے ساتھ دھاڑے گا اور ہر طرف شیر شیر کے نعرے بلند ہوں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(نامہ نگار)ناجائز تجاوزات کی بھر مار سکولوں اور کالجوں کی چھٹی کے وقت ٹریفک جام ہونا معمول بن گیا،شہری پریشان۔شہر اور گرد نواح میں ناجائز تجاوزات کی بھر مار گلیاں اور بازار سکڑ چکے ہیں جب سکول اور کالجوں کو چھٹی ہوتی ہے تو حالات اس قدر ابتر ہوجاتے ہیں کہ مختلف چوکوں چوراہوںمیں گھنٹوں تک ٹریفک جام ہو جا تا ہے جس سے شہریوں کو آمد و رفت میں شدید مشکلات کا سامنا ہے۔کچہری چوک ،لاہوری دروازہ، موتی بازار ،حاجی پورہ چوک میں چنگ چی رکشوں، ویگنوں کے غیر قانونی اڈوں،ہتھ ریڑھیوں، عارضی سٹالوں ، کے علاوہ دکانوں کے سامنے پختہ تھڑے بنا کرتجاوزات قائم ہو چکی ہے، جس سے روزانہ کی بنیاد پر حادثات اور لڑائی جھگڑے معمول بن چکے ہیں۔شہریوں نے بتایا کہ مقامی انتظامیہ کی عدم دلچسپی کے باعث نہ تو ناجائز تجاوزا ت کے خلاف آپریشن کیا جا رہا ہے اور نہ ہی ان کے خاتمہ کے لیے اقدامات کیئے جا رہے ہیں۔عوامی، سماجی حلقوں نے حکام بالاسے نوٹس لینے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(نامہ نگار)تھانہ صدر کا علاقہ بستی قدرت آباد ، وزیرآباد کاسہراب گوٹھ، تمام تر کوششوں اور دعووں کے باوجود پولیس علاقہ سے منشیات کا دھندہ ختم نہ کرواسکی۔ وزیرآباد تحصیل کے علاوہ بیرونی علاقوں میں منشیات کی سپلائی کا بہت بڑا مرکز قدرت آباد کو سمجھا جاتا ہے گزشتہ تیس سال سے قدرت آباد میں موجود منشیات کا دھندہ کرنے والے افراد پر کئی بار عروج وزوال آئے، پولیس مقابلوں تک نوبت آئی، بدنام زمانہ منشیات فروشوں کے خلاف اس قدر مضبوط مقدمات بنائے گئے کہ جن کی سزا کسی صورت موت سے کم نہیں تھی مگر تمام تر کوششوں اور برسوں سے کئے جانے والے دعووں کے باوجود پولیس تھانہ صدرمنشیات سپلائی کے بڑے مرکز قدرت آباد میں ہونے والے اس مکروہ دھندہ کو روکنے میں کامیاب نہیں ہوسکی۔ ایک بار پھر شہر اور گردونواح میں سپلائی ہونے والی منشیات کے تانے بانے قدرت آباد جا ملتے ہیں۔ شہریوں کا اعلیٰ پولیس حکام سے منشیات فروشوں کے خلاف تادیبی کاروائی کا مطالبہ کرتے ہوئے کہنا ہے کہ دیرپا نتائج حاصل کرنے اور منشیات کے مکروہ دھندہ کا مستقل سدباب کرنے کیلئے ضروری ہے کہ پولیس اپنے چند شیر جوانوں کی بھی نگرانی کرے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(نامہ نگار) شہر میں برسوں پرانا کام کرنے والا سیوریج سسٹم بوڑھا ہوگیا، انتظامیہ شہریوں کو ریلیف دینے کیلئے ٹھوس اقدامات اٹھائے۔ شہری حلقوں کا مطالبہ۔ شہر کے اہم ترین علاقوں نظام آباد، الہ آباد، محلہ شیرو، جناح کالونی، گوندل پورہ، آوا روڈ، محلہ کانوانوالہ، پیر مٹھا روڈ،حاجی پورہ ،قدرت آباد روڈ اور دیگر گلی محلوں میں سیوریج کے ناقص نظام کی وجہ سے شہریوں کو سخت مشکلات کا سامنا ہے۔ پرانا سیوریج نظام بڑھتی ہوئی آبادی کی ضروریات کیلئے ناکافی ہوچکا ہے، نالے اور گٹر اکثر ابلتے رہنے کی وجہ سے سڑکیں زیر آب آکر گندے جوہڑوں کی صورت اختیار کرجاتی ہیںجنہیں عبور کرنا شہریوںبالخصوص خواتین اور بچوں کیلئے جان جوکھوں میں ڈالنے کے مترادف ہے۔ معمولی بارش ہوتے ہی حالات اس قدر سنگین صورت اختیار کرجاتے ہیں کہ نظام زندگی مکمل طور پر مفلوج ہوجاتا ہے۔سیوریج کا مناسب بندوبست نہ ہونے کی وجہ سے نشیبی مکان اور آبادیاں کئی کئی فٹ پانی میں ڈوب جاتی ہیں۔ گندے پانی کے کھڑا رہنے کی وجہ سے مچھر مکھیوں اور دیگر حشرات کی بہتات ہوجاتی ہے جبکہ جلدی امراض میں بھی اضافہ دیکھنے میں آتا ہے۔ عوامی، سماجی حلقوں نے وزیر اعلیٰ پنجاب محمد شہباز شریف سے مطالبہ کیا ہے کہ وزیرآباد شہر میں سیوریج کے نظام کو بہتر بنوا کرعوامی مسائل میں کمی لائی جائے۔
شیخوپورہ کی خبریں 29/11/2016
تلہ گنگ کی خبریں 29/11/2016
