وزیرآباد (نامہ نگار) محکمہ ایکسائز نے کاروائی کرتے ہوئے شہر میں چلنے والی بغیر نمبر پلیٹ گاڑیاں اور موٹر سائیکل تھانے میں بند کروادیں جبکہ اہلکاروں کے ناروا سلوک کے خلاف گاڑیوں کے مالکان نے روڈ بلاک کرکے زبردست احتجاج کیا۔ گوجرانوالہ سے آنے والی محکمہ ایکسائز کی ٹیم نے کچہری چوک وزیرآباد میں ناکہ لگا کر رجسٹریشن کے بغیر چلنے والی گاڑیوں کو چیک کرنا شروع کردیا اور شہریوں سے بغیر نمبر پلیٹ گاڑیاں لیکر تھانہ میں بند کروادیں۔ اس موقعہ پر باوردی اہلکاروں نے مختلف رکشہ، موٹر سائیکل مالکان کو اختیارات سے تجاوز کرتے ہوئے مبینہ طور پر تشدد کا نشانہ بنایا جس پر شہریوں نے ایکسائز عملہ کے خلاف روڈ بلاک کراحتجاج شروع کردیا احتجاج سے سیالکوٹ روڈ پر آنے جانے والی ٹریفک کی لمبی قطاریں لگ گئیں۔ حالات کو بھانپتے ہوئے شہریوں کو تشدد کا نشانہ بنانے والا عملہ موقعہ سے غائب ہوگیا۔ اس موقعہ پر انچارج ایکسائز ٹیم نے احتجاج کرنے والوں سے معذرت کی اور واقعہ میں ملوث اہلکاروں کی بازپرس کی یقین دہانی کروائی جس پر مظاہرین منتشر ہوگئے۔ مظاہرین کا کہنا تھا کہ عملہ خود گاڑیوںکی رجسٹریشن میں تاخیر کرتا ہے لمبی قطاروں اور بار بار کے چکروں میں شہریوں کو ذلیل وخوارکیا جاتا ہے جس کے بعد ایسی کاروائیاں شہریوں کے ساتھ بڑی زیادتی اور ناانصافی کے مترادف ہیں۔ متاثرہ افراد نے حکام بالا سے نوٹس لینے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(نامہ نگار) سیکرٹری محکمہ صحت علی جان خان نے وزیرآباد انسٹی ٹیوٹ آف کارڈیالوجی کا مختصر دورہ کیا اور ادارہ کے معاملات کا جائزہ لیا۔ سیکرٹری محکمہ صحت پنجاب کارڈیالوجی پہنچے اور وہاں نئی چالو ہونے والی سروس انجیو گرافی کے بارے پڑتال کی۔ڈپٹی ایم ایس قاضی غلام مرتضیٰ نے کارڈیالوجی میں مریضوں کو فراہم کی جانے والی سہولیات بارے بریف کیا۔ قاضی غلام مرتضٰی نے بتایا کہ روزانہ سینکڑوںمریض مختلف علاقوں نے یہاں کا رخ کرکے طبی سہولیات سے استفادہ حاصل کررہے ہیں ۔ کارڈیالوجی میں آنے والے ہر مریض کو اچھے انداز میں ڈیل کرتے ہوئے مرض کی مکمل تشخیص کی جاتی ہے۔ حکومت کی طرف سے عوام الناس کی سہولیات کیلئے چالو کئے گئے اس منصوبہ میں روز بروز بہتری آرہی ہے انجیو گرافی کی سہولت مقامی سطح پر دستیاب ہونے کی وجہ سے مریضوں کو لاہور اور دیگر شہروں کے چکر نہیں کاٹنا پڑیں گے۔ سیکرٹری محکمہ صحت نے انجیو گرافی سروسز کا معائنہ کیا اور عملہ کو مزید محنت سے کام کرنے کی ہدایت کرتے ہوئے واپس روانہ ہوگئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(نامہ نگار)نماز جمعہ کے خطبات میں استقبال رمضان المبارک کے موضوع پر خصوصی دروس کا اہتمام کیا گیا۔ شہر کی جامع مساجد میں ماہ رمضان المبارک کی آمد کے سلسلہ میں علماء کرام نے خصوصی لیکچر دیتے ہوئے کہا کہ نیکیوں کی بہار کا مہینہ آنے والا ہے مومنین کو ابھی سے تیاریاں کرنا ہوں گی۔علامہ آصف ہزاروی، علامہ الیاس قادری عطاری، مولانا محمد رفیق چشتی اور دیگر نے کہا کہ رمضان المبارک مسلمانوں کو اپنی زندگیوں میں اصلاح کا موقعہ فراہم کرتا ہے جس کا پہلا عشرہ رحمت، دوسرا استغفار اور تیسرا نجات ہے ۔ روزہ بھوک اور پیاس کا نام نہیں تربیت انسانی میں روزے کا اہم کردار ہے، نبی اکرم ۖ کا ارشاد ہے کہ جب رمضان آتا ہے تو جنت کے دروازے کھول دیئے جاتے جبکہ جہنم کے دروازے بند کردیئے جاتے ہیں ۔روزہ انسانی زندگی میں تقویٰ پیدا کرنے کا بہترین ذریعہ ہے نفسا نفسی کے موجودہ دور میں ہم روزہ کے احکامات پر عمل پیرا ہو کر اپنے لئے دنیاوی و اخروی نجات حاصل کرسکتے ہیں۔ علماء کرام نے کہا کہ روزہ ایثار اور قربانی کا جذبہ پیدا کرتا ہے اگر ہم روزے کے تقاضوں کو بھرپور اندازمیں پورا کریں تو کوئی وجہ نہیںکہ ہماری زندگیاں عین اسلامی تعلیمات کے مطابق ڈھل جائیں اور یہ معاشرہ حقیقی معنوں میں امن اور محبت کا معاشرہ بن جائے۔
مہمند ایجنسی کے سرحدی دیہات اور کڑپہ میں بارودی سرنگ کے دو دھما کے 2 اہلکار شہید، 3 زخمی۔
ڈاکٹر محمد علی شاہ میموریل فٹ بال ٹورنامنٹ کا فائنل آج کراچی یونائٹیڈ اور نیشنل بنک مد مقابل ہونگے
