ماسکو (جیوڈیسک) یورپی یونین میں روس کے خلاف اسپیشل فورس بنانے کے حوالے سے پیش کی جانے والی قرار دار پر درعمل ظاہر کرتے ہوئے روسی صدر ولاد میر پیوٹن کا کہنا ہے کہ اگر چاہیں تو صرف 2 ہفتوں میں یوکرین پر قبضہ کر سکتے ہیں۔
ولاد میر پیوٹن کا کہنا تھا کہ اگر ہم چاہیں تو صرف 2 ہفتوں میں کیف پر کنٹرول حاصل کر سکتے ہیں۔ یوکرین کے صدر پیٹرو پوروشنکو نے روس پر کیف میں براہ راست در اندازی اور جارحیت کا الزام عائد کیا تھا اور اس حوالے سے یورپی یونین میں ایک قرار داد بھی پیش کی گئی۔
خطے کے حالات میں کشیدگی اس وقت زیادہ بڑھی جب ناٹو کی جانب سے کہا گیا کہ 4 ہزار اہلکاروں پر مشتمل ایک فورس بنائی جائے جو 48 گھنٹوں کے اندر یوکرین میں روسی جارحیت کا جواب دے سکے۔
ناٹو کے سیکرٹری جنرل آندے فوگ راسموسین کا کہنا تھا کہ ہمارے اتحادی ممالک نے روسی جارحیت کا جواب دینے کے لئے ایک مفصل ڈرافٹ بھی تیار کر لیا ہے جس میں فورسز کو کہا گیا ہے کہ ’’چلیں آہستہ لیکن حملہ پوری قوت‘‘ سے کریں۔
واضح رہے کہ یوکرین میں حکومت اور روس نواز علیحدگی پسندوں کے مابین اپریل سے جاری جھڑپوں میں اب تک 2500 سے زائد افراد ہلاک ہو چکے ہیں۔
ہانگ کانگ میں 19 جمہوریت نواز مظاہرین گرفتار
بھارتی فوجیوں کے ہاتھوں کشمیری نوجوان شہید
