ویلڈن سب انسپکٹر معراج بیگ ، جیب تراش کو فوری گرفتار کر کے لوٹی گئی رقم 6500 روپے متاثرہ شخص کے حوالے کردی
Posted on May 28, 2013 By Noman Webmaster سٹی نیوز
کھاریاں : ویلڈن سب انسپکٹر معراج بیگ تھانہ رحمانیہ،جیب تراش کو فوری گرفتار کر کے لوٹی گئی رقم 6500 روپے متاثرہ شخص کے حوالے کردی تفصیلات کے مطابق گذشتہ روز صوفی محمد اقبال نامی شخص کی سروس موڑ گجرات کے قریب تین نامعلوم جیب کتروں نے جیب کاٹ لی جس کے فوری علم ہونے پر جیب کتروں کا پیچھا کیا گیا جس کے نتیجہ میں ایک جیب کترا پکڑا گیا۔
جبکہ 2 فرار ہونے میں کامیاب ہوگئے پکڑے جانیوالا جیب کترے کو حوالے تھانہ رحمانیہ کردیا گیا تھانہ میں موجود سب انسپکٹر معراج بیگ نے فوری کاروائی کرتے ہوئے تفتیش کے دوران جیب کترے سے رقم 6500 برآمد کر کے متاثرہ شخص صوفی محمد اقبال کے حوالے کردی۔
رقم ملنے پر صوفی محمداقبال نے سب انسپکٹر کا شکریہ کرتے ہوئے کہا کہ اگر تمام پولیس ملازمین آپ کی طرح پوری ایمانداری سے ڈیوٹی سرانجام دیں تو ہمارے معاشرے میں کوئی چھوٹا یا بڑا جرم نہیں ہوسکتا۔
