اسلام آباد(جیوڈیسک)حتمی نتائج آنے سے پہلے ہی سیاسی جماعتوں کے حامیوں نے بھنگڑے ، ریلیوں اور مٹھائیوں کی تقسیم کا سلسلہ شروع کردیا۔سرگودھا میں مسلم لیگ ن کے امیدوار حامد حمید ووٹوں کی دوڑ میں تمام امیدواروں سے آگے ہیں۔ ان کی متوقع کامیابی کی خوشی میں نواز لیگ کے کارکنوں نے پہلے ہی مٹھائیاں تقسیم کردیں۔ شہر کے مختلف علاقوں میں موٹر سائیکل ریلیاں بھی نکالی جارہی ہیں۔سیال کوٹ میں مسلم لیگ ن کے امیدوار خواجہ آصف سب سے آگے ہیں۔ پارٹی کارکنوں نے مسلم لیگ ہاوس میں ان کی ممکنہ جیت کا جشن منایا اور آتش بازی کی۔
میانوالی میں غیرسرکاری نتائج کے مطابق تحریک انصاف کے امیدوار امجد علی خان کامیاب ہوگئے ہیں۔ ان کے حامی موٹر سائیکل ریلیاں نکال کر خوشیاں منارہے ہیں۔رحیم یار خان میں مسلم لیگ نواز کے امیدوار میاں امتیاز احمد کے حامیوں نے ڈھول کی تھاپ پر بھنگڑے ڈالے۔جہلم میں بھی ن لیگ کے کارکنان نے ہلا گلا کیا۔
بھنگڑے ڈالے اور آتش بازی کی۔اوباڑو میں پیپلز پارٹی کے سردار علی گوہر خان مہر اور جام مہتاب ڈہر کی برتری کی خوشی میں کارکنوں نے ریلی نکالی۔سوات میں قومی اسمبلی کی تمام اور صوبائی اسمبلی کی بیشتر نشستوں پر تحریک انصاف کے امیدواروں کی برتری پر کارکن جشن منارہے ہیں۔
پی پی 256 مظفر گڑھ 6
صوبائی اسمبلی کی نشستوں پر اپ سیٹ، میاں افتخار اور خواجہ سلمان ہار گئے
