پاکستان کرکٹ ٹیم کے کپتان مصباح الحق کا کہنا ہے کہ جیت کا جذبہ لے کر جا رہے ہیں اور ٹیم کی اچھی پر فارمنس کی بدولت جیت کر آئینگے۔ پاکستان کرکٹ ٹیم کے کپتان مصباح الحق لاہور کے علامہ اقبال انٹرنیشنل ایئرپورٹ سے اسد شفیق اور عبدالرحمن کے ہمراہ زمبابوے کیخلاف سیریز کھیلنے کیلئے ہرارے روانہ ہوگئے۔
اس موقع پر ذرائع سے بات چیت کرتے ہوئے کپتان مصباح الحق کا کہنا تھا کہ امید ہے کہ زمبابوے میں سارے کھلاڑی اچھی کارکردگی کا مظاہرہ کریں گے۔ جیسا کہ پہلے ٹی ٹوئنٹی میں شاندار کھیل پیش کیا۔
مصباح کا کہنا تھا کہ انورعلی اچھی پرفارمنس دے رہے ہیں اور دورہ زمبابوے میں نئے کھلاڑیوں کو جگہ دی گئی ہے۔ عمر اکمل کے بارے میں بات کرتے ہوئے کپتان کا کہنا تھا کہ عمر اکمل کی رپورٹس ٹھیک ہیں تاہم عمر اکمل کے کھیلنے یا نہ کھیلنے کا فیصلہ پاکستان کرکٹ بورڈ کرے گا۔
ایشیا کپ ہاکی : آج پاکستان جاپان سے مقابلہ کرے گا
اوول ٹیسٹ : انگلینڈ نے پہلی اننگز میں 4 وکٹوں پر 247 رنز بنالئے
