لاہور : گزشتہ دِنوں لاہور کے معروف انسٹیٹیوٹ الہدیٰ ایجو کیشن کی سالانہ تقریب ِ انعامات میں وومن اینڈ چلڈرن ویلفیئر آرگنائزیشن کے چئیر مین محمد علی رانا نے مہمانوںمیں اپنے ادارے وومن اینڈ چلڈرن ویلفیئر آرگنائزیشن کی جانب سے سینئیر کالمسٹ رئوف طاہر ، معروف شاعر و کالمسٹ سعد اللہ شاہ ، ایم این اے مہر اشتیاق ،ایم پی اے میاں مرغوب احمد ،ڈائریکٹر پاکستان شریف اکیڈمی جرمنی ولایت احمد فاروقی اور الہدیٰ انسٹیٹیوٹ کے پرنسپل مہر محمد الیاس کو اُن کی شاندار کارکردگی پر اعزازی اسناد پیش کیں۔
سالانہ تقریب کے مہمانِ خصوصی ایم این اے مہر اشتیاق اور ایم پی اے میاں مرغوب احمد تھے،صدارت کے فرائض الہدیٰ انسٹیٹیوٹ کے پرنسپل مہرمحمد الیاس نے ادا کیے جبکہ دیگر مہمانوں میں پاکستان کے معروف شاعر و کالمسٹ سعد اللہ شاہ ، سینئیر کالمسٹ رئوف طاہر ، ڈائریکٹر پاکستان شریف اکیڈمی جرمنی ولایت احمد فاروقی،کالمسٹ ذولفقار چوہدری ، وومن اینڈ چلڈرن ویلفیئر آرگنائزیشن کے چیئر مین ، افسانہ و کالم نگار محمد علی رانا اور دیگر صحافی شامل تھے۔تقریب میں قیمتی انعامات و تحائف کے ذریعے بچوں اور ٹیچرز کی بھر پور حوصلہ افزائی کی گئی۔
