لاہور (جیوڈیسک) پاکستان کرکٹ ٹیم کے سابق کپتان انضمام الحق نے کہا ہے کہ ورلڈ کپ میں اس بار پاکستانی ٹیم کی بولنگ میں کوئی کلاس نہیں ۔ غیرملکی ویب سائٹ کو انٹرویو دیتے ہوئے انضمام الحق نے کہاکہ سلیکٹرز نے اس بار ورلڈ کپ کیلئے بہت زیادہ نوجوان کھلاڑیوں کو سلیکٹ کرلیاہے۔پاکستان ٹیم میں تجربے کی کمی ہے،ورلڈ کپ جیسے مقابلوں کیلئے ایک یا دو سرپرائز پیکج کو ٹیم میں لیا جاتا ہے۔
احسان عادل ،سہیل خان اور یاسرشاہ کو ایسے ٹورنامنٹس کا کوئی تجربہ نہیں۔اس بار ٹیم میں کچھ کھلاڑیوں کی شمولیت اضافی سامان جیسی ہے۔ان کا کہنا تھاکہ ماضی میں ورلڈ کپ مقابلوں میں بھارت سے سخت مقابلہ ہوا ۔انہوں نے محمد عرفان کی جانب سے بھارت کیخلاف میچ میں بلے بازوں کو پریشان کرنے کا عندیہ بھی دیا۔
میچ میں بھارتیوں کو دبا کے رکھیں گے: شاہد آفریدی
ورلڈ کپ کا پہلا مقابلہ : نیوزی لینڈنے سری لنکا کو 98 رنز سے ہرا دیا
