پیرس (جیوڈسک)یوئیفا چیمپئینز لیگ کوارٹرفائنل کے پہلے لیگ میں پی ایس جی اور بارسلونا کا مقابلہ دو دو گول سے برابر ہوگیا۔ بئیرن میونخ نے یوونٹس کو شکست دے دی۔
پیرس میں کھیلے جانے والے کوارٹرفائنل کے پہلے لیگ میں بارسلونا اور پیرس سینٹ جرمن کا مقابلہ دو دو گول سے برابر رہا۔ بارسلونا کے اسٹار کھلاڑی میسی نے اڑتیسویں منٹ میں گول اسکور کرکے ٹیم کو برتری دلائی جو ہاف کے اختتام تک برقرار رہی۔
دوسرے ہاف میں بھی دونوں ٹیموں کے درمیان مقابلہ دلچسپ رہا۔ اناسیویں منٹ میں میزبان ٹیم کے ابراہیمووچ نے گول داغ کر مقابلہ ایک ایک سے برابر کردیا۔ دس منٹ بعد بارسلونا نے زیوی ہرنینڈز کے گول کی بدولت پھر سے برتری حاصل کی۔
آخری منٹ میں پی ایس جی نے ٹیم کے لئے دوسرا گول کرکے مقابلہ دو دو گول سے برابر کردیا۔ دوسرے کوارٹرفائنل میں بئیرن میونخ نے یووینٹس کو دو گول سے شکست دے دی۔ بئیرن نے کھیل کے پہلے منٹ میں ڈیوڈ الابا کے گول کی بدولت برتری حاصل کی۔
جو ہاف کے اختتام تر برقرار رہی۔ دوسرے ہاف میں بھی بئیرن کی ٹیم کھیل پر پوری طرح چھائی رہی۔ ترسیٹویں منٹ میں تھوماس مولر نے دوسرا گول کیا اور میچ جیت لیا۔
یوئیفا چیمپیئنز لیگ : کوارٹر فائنل کا آغاز آج ہورہا ہے
جیسی رائیڈر صحتیاب، ہسپتال سے ڈسچارج
