یوئیفا چیمپیئنز لیگ کے کوارٹر فائنل کے پہلے مرحلے کا آغاز آج سے ہورہا ہے۔ پہلے کوارٹر فائنل میں پیرس سینٹ جرمن کا مقابلہ بارسلونا سے ہوگا۔۔ دوسرے کوارٹر فائنل میں بائرن میونخ کا سامنا یووینٹس سے ہوگا۔
یورپی چیمپیئنز لیگ کے کوارٹر فائنل کا پہلا مرحلہ آج سے شروع ہورہا ہے۔ ایونٹ کی دو فیورٹ ٹیمیں بارسلونا اور پیرس سینٹ جرمن فائنل سے پہلے ایک دوسرے سے ٹکرائیں گی۔ اسٹارز فٹبالروں سے لیس بارسلونا پری کوارٹر فائنل میں اے سی میلان کو چار صفر سے ٹھکانے لگا کر کوارٹر فائنل میں پہنچی ہے۔
ہسپانوی فٹبال کلب کو دنیا کے بہترین فٹبالر لائنل میسی سمیت متعدد اسٹارز پلئیرز کی خدمات حاصل ہیں۔ تو فرانسیسی فٹ بال کلب میں موجود ہیں مشہور زمانہ ڈیوڈ بیکہم۔ دوسرے کوارٹر فائنل میں جرمنی کی چیمپین فٹ بال ٹیم بائرن میونخ کا مقابلہ یووینٹس سے ہوگا۔
نا قدین کا کہنا ہے کہ بائرن کی ٹیم اس میچ میں اٹلی کی چیمپین ٹیم یووینٹس کو باآسانی زیر کرلے گی۔ اس مرحلے میں ہارنے والی ٹیم کے پاس ایک اور موقع ہوگا کہ وہ کوارٹر فائنل کے دوسرے مرحلے میں اپنے حریف کو شکست دے کر سیمی فائنل میں جگہ بنالے۔
وومن اسکواش چیمپئن شپ زویا خالد نے جیت لی
یونیفا چیمپئنز لیگ : پی ایس جی اور بارسلونا کا مقابلہ برابر
