لاہور (جیوڈیسک) پاکستان کرکٹ ٹیم کے منیجر معین خان کا کہنا ہے کہ زمبابوے کو کمزور حریف نہیں سمجھتے، پوری قوت کے ساتھ تمام میچز جیتنے کی کوشش کریں گے۔ لاہور میں ذرائع سے بات کرتے ہوئے معین خان کا کہنا تھا کہ دورہ زمبابوے کے لئے بہترین اسکواڈ کا انتخاب کیا گیا ہے۔
ان کی کوشش ہوگی کہ کہ بہترین 11 کھلاڑی فیلڈ میں اتریں، زمبابوے کی ٹیم کو کمزور نہیں سمجھتے، ہر میچ جیتنے کی کوشش کریں گے، سابق کپتان نے مزید کہا کہ ڈسپلن کی خلاف ورزی پر کوئی سمجھوتا نہیں ہوگا۔ کھلاڑیوں میں احساس ذمہ داری پیدا کرنے کی ضرورت ہے، وہ جہاں ضروری سمجھیں گے، ٹیم سلیکشن اور دیگر معاملات میں مداخلت کریں گے۔
اے سی سی ایمرجنگ انڈر 23 کرکٹ کپ، بھارت نے پاکستان کوہرا دیا
ایشیا کپ ہاکی : قومی ٹیم کل ملائیشیا روانہ ہوگی
