کراچی (اسٹاف رپورٹر) پاکستان پیپلز پارٹی کے بانی چیئرمین قائد عوامی شہید ذوالفقار علی بھٹو کی 36ویں برسی کے موقع پر بلاول بھٹو ورکرز آرگنائزیشن ضلع کورنگی کے زیر اہتمام فاتحہ خوانی اور دعائیہ تقریب کا انعقاد کیا گیا۔
جس میں پاکستان پیپلز پارٹی ،بلاول بھٹو ورکرز آرگنائزیشن کے رہنمائوں ،کارکنان اور عوام کی کثیر تعداد نے شرکت کی اس موقع پر تقریب سے خطاب کرتے ہوئے پاکستان پیپلز پارٹی کے سنیئر رہنماء بلاول بھٹو ورکرز آرگنائزیشن ضلع کورنگی کے صدر سید امجد علی شاہ نے کہاکہ قائد عوام شہید ذوالفقار علی بھٹو کا شمار دنیا کے عظیم عوامی لیڈروں میں ہوتا۔
قائد عوام ذوالفقار علی بھٹو نے ہمیشہ عوام کے حقوق کے حصول کی بات کی اور عوامی حقوق کی جدو جہد میں اپنی جان کا نذرانہ پیش کردیا امجد علی شاہ نے کہاکہ ذوالفقار علی بھٹو نے عوام کو سیاسی شعور دیا اور سیاست کو ڈرائینگ روم سے نکال کر گلیوں اور محلوں تک پہنچایا۔
ذوالفقار علی بھٹو آج بھی عوام کے دلوں میں زندہ ہے ہیں اور تاقیامت زندہ رہیں گے انہوں نے کہاکہ قائد عوام نے ہمیشہ اسلام کی سربلندی اور پاکستان کے پرچم کو دنیا میں اونچا رکھنے کے لئے اپنا قائدانہ کردار ادا کیا تقریب کے اختتام پر قائد عوام شہید ذوالفقار علی بھٹو کے ایصال ثواب کے لئے دعاء کی گئی۔
فیصل آباد : علی ٹاؤن میں آئی ایس ایم سکول کا افتتاح
کارکن ایسی کوئی بات نہ کریں جس سے ماحول خراب ہو: الطاف حسین
