للیانی مائنز میں50فٹ چوڑا شگاف محکمہ کی طرف سے شگاف بند کرنے کی بجائے پانی بند
مصطفی آباد/للیانی(نامہ نگار)للیانی مائنز میں50فٹ چوڑا شگاف محکمہ کی طرف سے شگاف بند کرنے کی بجائے پانی بند، 24گھنٹے گزرنے کے باوجود شگاف بند نہ ہو سکا، گندم کی فصل کو پانی نہ ملنے کی وجہ سے کاشتکار شدید پریشانی کا شکار، تفصیلات کے مطابق دوروز قبل للیانی مائنز میں50فٹ چوڑا شگاف پڑ گیا تھا جس پر محکمہ نے فوری طور پرمائنز کو بند کر دیا ، 24گھنٹے گزرنے کے باوجود شگاف بند کرنے کیلئے محکمہ کی طرف سے کوئی اقدامات نہیں کئے گئے جس کی وجہ سے کاشتکار گندم کی فصل کو پانی دینے سے قاصر ہیں، کاشتکاروں کے مطابق اگر گندم کی فصل کو بر وقت پانی نہ دیا گیا تو ہمیں شدید نقصان ہو گا اور گندم کی پیدوار میں بھی کمی آ ئے گی، جبکہ کروڑوں روپے کی لاگت سے بننے والی ڈگری کالج کی عمارت میں بھی پانی داخل ہو گیا ہے جس کی وجہ س عمارت کو شدید نقصان پہنچنے کا اندیشہ ہے، کاشتکاروں کی بڑی تعداد نے شگاف بند کرکے فوری پانی جاری کرنے کامطالبہ کیا ہے، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ذوالفقار علی بھٹو سے لیکر محترمہ بے نظیر بھٹو تک پاکستان پیپلز پارٹی کے رہنمائوں نے پاکستان بچانے اور اسکی ترقی
مصطفی آباد/للیانی(نامہ نگار)ذوالفقار علی بھٹو سے لیکر محترمہ بے نظیر بھٹو تک پاکستان پیپلز پارٹی کے رہنمائوں نے پاکستان بچانے اور اسکی ترقی کیلئے اپنی جانوں کے نذرانے تک پیش کردئیے جسے قوم کبھی بھی فراموش نہیں کرسکتی،ان خیالات کا اظہار صدر یونین کونسل 143محمد منشاء بھٹی و محمد ریاض بھٹی نے اپنے ایک مشترکہ بیان میں کیا۔ انہوں نے مزید کہا کہ یہ اعزاز بھی پیپلز پارٹی کو ہی حاصل ہے جس نے ملک کی تاریخ میں جمہوری انداز سے برسراقتدار 5سال کی مدت پوری کی اور آئندہ بھی اس روایت کو بدستور قائم رکھنے کیلئے دوسری سیاسی جماعتوں کیساتھ عملی تعاون کو یقینی بنایا یہی وجہ ہے کہ ہمارے قائدین جمہوریت کو قائم رکھنے کے مقاصد میں موجودہ حکومت کا ساتھ دے رہے ہیں اور جمہوریت کو کسی سازش کا خطرہ نہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 19 کروڑ عوام نے یہ بات تسلیم کر لی ہے کہ پاکستان تحریک انصاف ملک پاکستان کی سب سے بڑی جماعت بن چکی ہے مصطفی آباد/للیانی(نامہ نگار) 19 کروڑ عوام نے یہ بات تسلیم کر لی ہے کہ پاکستان تحریک انصاف ملک پاکستان کی سب سے بڑی جماعت بن چکی ہے اور تمام بحرانوں کے خاتمہ کی صلاحیتیں عمران خان کے علاوہ کسی دیگر سیاسی رہنماء میں نہیں ۔ان خیالات کا اظہار پاکستان تحریک انصاف یوتھ ونگ ضلع قصور کے صدر وسیم عباس قادری نے اپنے بیان میں کیا انہوں نے کہا کہ ملک میں جاری دہشتگردی کا قلع قمع کرنے کیلئے پاکستان تحریک انصاف اپنا نمایاں کردار ادا کر رہی ہے اور دہشتگردوں کا خاتمہ ہمارا اولین مقصد بن چکا ہے انہوں نے مزید کہا کہ ملک کے باشعور نوجوانوں ،طلبہ و طالبات اور اوورسیز پاکستانیو ں نے اپنا نمائندہ عمران خان کو چن لیا ہے اور وہ اپنے اس باصلاحیت لیڈر کی پالیسیوں پر تہہ دل سے مکمل یقین رکھتے ہیں ۔
تحریک صراطِ مستقیم پاکستان کے زیر اہتمام 27 دسمب ایوان اقبال ایجرٹن روڈ میں گنبد خضریٰ سیمینار ہو گا
باب وزیرآباد سے اندرون شہر جی ٹی روڈ کے دونوں اطراف مٹی ڈالنے سے شہریوں کو دشواری کا سامنا
