ذولفقار علی بھٹو نے سیاست کو ڈرائینگ روم سے نکال کر عام آدمی کی سطح تک پہنچایا

Posted on January 4, 2014 By Majid Khan سٹی نیوز

شہید ذولفقار علی بھٹو پاکستان کے وە واحد سیاست دان تھے جنہوں نے سیاست کو ڈرائینگ روم سے نکال کر عام آدمی کی سطح تک پہنچایا آج قوم کو شعور بھٹو کا بخشا ہوا ہے منیر احمد ملک جنرل سیکرٹری پی پی پی فرانس نے شہید بھٹو کی سالگرە پر انہیں خراج عقیدت پیش کرتے ہوۓ کہا کە آمر ضیاٴالحق نےاپنے اقتدار کو دوام بخشنے کے لۓ پاکستان کی سیاست کے لیجنڈ کو اپنی ہوس اقتدار کی بھینٹ چڑھا دیا۔

انہوں نے مزید کہاکە تمام ڈکٹیٹر آج تاریخ کےکوڑےدان میں دفن ہو چکے ہیں مگر بھٹو لوگوں کے دلوں میں اسی طرح زندە ہے دائیں بازو کے نام نہاد دانشور اسلام پسند اور بکاو میڈیا کے گندے پروپیگنڈے کے باوجود شہید بھٹو نە صرف عوام کے دلوں میں زندە ہے بلکە اب تو مخالفین بھی ان کی عظمت کےقائل ہو چکے ہیں۔

شہید بھٹو کی سیاسی زندگی کامحور اور مقصد عام آدمی تھا انہوں نے لوگوں کی سوچوں کے دھارے بدل کر رکھ دۓ وە عوام میں تھےتو ایک بہادر رہنما کے طور پر لیڈ کرتے اقتدار میں تھے تو ایک بہادر عالمی لیڈر کے طور پر پوری دنیا میں پہچانے گۓ عالم اسلام میں پوری امت کو ایک جھنڈے تلے جمع کرنے کا کام پوری بہادری سے سر انجام دیا اور جب دار و رسن کامرحلە آیا تو ان کی بہادری پورے عروج پر تھی فیض کو کہنا پڑا ع جس سج دھج سے کوئ مقتل میں گیاوە شان سلامت رہتی ہے۔

انہوں نے پھانسی کے پھندے کو بہادری سےگلے لگایا لیکن یە بزدل آمر جن کی بہادری صرف کرسی کی مرہون منت ہوتی ہے کرسی سے اترے تو ایک چوہےسےبہی زیادە بدتر ہو جاتے ہیں ترلے منتوں اور معافیوں پر اتر آتے ہیں جیلوں کی سختیاں تو دور کی بات عدالت کے راستے پر دل پکڑ کر بیٹھ جاتے ہیں آج مشرف کے وکیل احمد رضا قصوری کو بھٹو تو یاد آتا ہو گا کہاں اس کا نامرد موکل اور کہاں وە عزم و ہمت کا پیکر جیالے ایسے ہی تو کہتے جب جب سورج چاند رہے گا بھٹو تیرا نام رہے گا۔

by Majid Khan

Nasir Mehmood - Chief Editor at GeoURDU.com