فلسطینی اتھارٹی کے صدر محمود عباس کا کہنا ہے کہ اسرائیل کے ساتھ امن مذاکرات کی بحالی کے سلسلے میں ہونے والی بات چیت کسی پیش رفت کے بغیر اختتام پذیر ہو گئی ہے۔اردن کے فرمانرواں شاہ عبداللہ سے عمان میں ملنے کے بعد انہوں نے صحافیوں کو بتایا کہ وہ اگلے ہفتے مستقبل کے لائح عمل کے بارے میں عرب لیگ سے بات کریں گے۔اسرائیلیوں اور فلسطینیوں، دونوں پر عالمی سطح پر دبا ؤہے کہ وہ دو ریاستی حل پر مذاکرات دوبارہ شروع کریں۔یہ مذاکرات سنہ دو ہزار دس میں نئی یہودی بستیوں کی تعمیر کے مسئلے پر اختلافات کی وجہ سے معطل ہوگئے تھے۔سنہ انیس سو سڑسٹھ میں مشرقی یروشلم اور غربِ اردن پر اسرائیلی قبضے کے بعد سے وہاں ایک سو یہودی بستیاں تعمیر کی گئی ہیں جن میں تقریبا پانچ لاکھ یہودی رہائش پذیر ہیں۔ یہودی بستیوں کی تعمیر بین الاقوامی قوانین کی خلاف ورزی ہے تاہم اسرائیل اس موقف سے اختلاف رکھتا ہے۔
شام: ہلال احمر کے نائب صدر حملے میں ہلاک
ایران پر پابندیاں، تیل کی قیمتوں میں اضافے کی تنبیہہ
