وزیر خارجہ حنا ربانی کھر نے کہا ہے کہ افغانستان میں امن کے خواہاں ہیں۔ لیکن پاکستان کسی بھی امن مذاکرات کی قیادت نہیں کرے گا۔ میڈیا سے گفتگو کرتے ہوئے وزیر خارجہ کا کہنا تھا کہ افغان حکومت کی جانب سے طالبان کے ساتھ مذاکرات کرنے اور مسئلے کا سیاسی حل نکالنے پر پاکستان مکمل حمایت کرے گا لیکن اسلام آباد طالبان سے امن عمل میں کسی صورت پہل نہیں کرے گا۔
ان کاکہنا تھا کہ افغان شہری اپنے معاملات دیگر ممالک کے ہاتھ میں دے کر پہلے ہی مایوس ہوچکا ہے لہذا بہتر ہے کہ طالبان سے مذاکراتی عمل کی قیادت افغان حکومت خود کرے۔ ان کاکہنا تھا کہ افغانستان میں پاکستانی انٹیلی جنس کے کردار کو پہلے ہی تنقید کا نشانہ بنایا جا چکا ہے۔
میمو کمیشن کی کارروائی آج بھی جاری رہے گی
پشاور بم دھماکا، جاں بحق افراد کی تعداد 15ہو گئی
