اقوام متحدہ میں شام کے مستقل مندوب بشارالجعفری نے الزام عائد کیا ہے کہ ان کے ملک میں دہشت گردی کی کارروائیوں کا کنٹرول روم ایک غیر ملکی ٹی وی اسٹیشن کا دفتر ہے۔
سلامتی کونسل کے اجلاس سے خطاب کرتے ہوئے بشارالجعفری نے کہا العربیہ ٹی وی نیٹ ورک دہشت گردی کو ابلاغی تحفظ فراہم کر رہا ہے۔ ان کا کہنا تھا کہ نیوز چینل واقعات کے رونما ہونے سے قبل ہی ان کے بارے میں خبریں نشر کر رہا ہے۔
واضح رہے کہ شام کی جانب سے پہلی مرتبہ ذرائع ابلاغ پر الزام عائد کیا گیا ہے۔ شام میں جاری خانہ جنگی کے دوران اب تک 60 ہزار سے زائد افراد ہلاک اور 10 لاکھ افراد بے گھر ہو چکے ہیں۔
اسپین کے 23 صوبوں میں آئی برف باری کی بہار
حکومت ڈاکٹر طاہر القادری سے مذاکرات کرے: الطاف حسین
