لاس اینجلس : (جیو ڈیسک)سیج سٹالون لاس اینجلس کے علاقے ہالی ووڈ ہیلز میں اپنے گھر میں مردہ پایا گیا۔ پولیس ذرائع کے مطابق سیج سٹالون کے مرنے کی وجوہات معلوم نہیں ہو سکیں۔سیج سٹالون کے مرنے کی خبر جنگل کی آگ کی طرح پھیل گئی۔ خبر رساں ایجنسی پر اسکی موت کی خبر آنے کے بعد دنیا کے پچاس فیصد سے زائد ٹی وی چینلوں نے اسے نشر کیا۔
سیج سٹالون کے وکیل جارج برانسٹین کے مطابق گھر کے ملازم نے جمعے کی سہ پہر سیج سٹالون کو مردہ حالت میں پایا۔ پولیس کا کہنا تھا کہ انہیں مل ہالینڈ میں واقع ایک گھر میں موجود لاش کے بارے میں تحقیقات کرنے کا حکم دیا گیا تھا لیکن اس وقت تک لاش کی شناخت کے بارے میں معلوم نہیں تھا۔ سیج مون بلڈ سٹالون ہالی وڈ اداکار سلویسٹر سٹالون کا سب سے بڑا بیٹا تھا اور ان کے ساتھ دو فلموں “راکی 5” اور “ڈے لائٹ” میں اداکاری کے جوہر دکھا چکا تھا۔
نائیجریا کی مسجد میں خودکش دھماکا، 5 افراد ہلاک
کراچی : فائرنگ اور پرتشدد واقعات میں 7 افراد جاں بحق
