شیو سیونا تنظیم کے انتہا پسند رہنماء بال ٹھاکرے کی موت پر ویب سائٹ پر تبصرہ کرنے والی لڑکیوں کو پولیس نے بری کر دیاہے۔ بھارتی انتہا پسند ہندو تنظیم کے رہنماء بال ٹھاکرے کی موت پر ممبئی شہر کی بندش کے خلاف سماجی رابطے کی ویب سائٹ فیس بک پر تبصرہ کرنے والی لڑکیوں کے خلاف پولیس نے مقدمات واپس لے لیے ہیں۔
شاہین دھادا اور شری ویناسان نے بال ٹھاکرے کی موت پر ممبئی شہر کی بندش کے خلاف فیس بک پر کمنٹس دیئے تھے جس پر شیوسینا کے کارکنوں نے ان کے خلاف پولیس اسٹیشن میں شکایات درج کرائی تھیں۔
پولیس نے دونوں لڑکیوں کے خلاف 19 نومبر کو سرکاری مدعیت میں اشتعال انگیزی پھیلانے کے جرم میں مقدمہ درج کر کے انہیں گرفتار کر لیا تھا جس کے بعد شاہین اور رینو نے عدالت سے ضمانت پر رہائی حاصل کی تاہم ڈیڑھ ماہ گذرنے کے بعد پولیس نے ان کے خلاف مقدمات واپس لے لیے ہیں۔ بھارتی میڈیا کے مطابق ممبئی پولیس مقدمات واپس لینے کی وجوہات بتانے سے انکار کر رہی ہے۔
امریکی جنرل ڈیوڈ پیٹریاس کے خلاف مقدمہ تاحال التوا کا شکار
میکسیکو : جیل میں جھڑپیں ، 11 قیدی ، 6 گارڈز ہلاک
