بسکہ دشوار ہے ہر کام کا آساں ہونا
Posted on June 4, 2012 By Adeel Webmaster مرزا غالب
difficult way
بسکہ دشوار ہے ہر کام کا آساں ہونا
آدمی کو بھی میسر نہیں انساں ہونا
گر یہ چاہے ہے خرابی مرے کاشانے کی
در و دیوار سے ٹپکے ہے بیاباں ہونا
وائے دیوانگی شوق کہ ہر دم مجھ کو
آپ جانا ادھر اور آپ ہی حیراں ہونا
جلوہ، از بسکہ تقاضائے نگہ کرتا ہے
جوہر آئینہ بھی چاہے ہے مثرگاں ہونا
عشرت قئل کہ اہل تمنا مت پوچھ
عیدہ نظارہ ہے شمشیر کا عریاں ہونا
لے گئے خاک میں ہم داغ تمنائے نشاط
تو ہو اور آپ بہ صد رنگ گلستاں ہونا
عشرت پارہ دل، زخم تمنا کھانا
لذت ریش جگر، غرق نمکداں ہونا
کی مرے قتل کے بعد اس نے جفا سے توبہ
ہائے اس ذود پشیماں کا پشیماں ہونا
حیف اس چارہ گر کپڑے کی قسمت غالب
جس کی قسمت میں ہو عاشق کا گریباں ہونا
غالب
ایک ایک قطرے کا دینا پڑا حساب
کی وفا ہم سے تو غیر اس کو جفا کہتے ہیں
