بھارت اور انگلینڈ کے درمیان پانچ میچوں کی سیریز کا پہلا ایک روزہ میچ آج نئی دہلی میں کھیلاجارہاہے۔ میچ پاکستانی وقت کے مطابق دوپہر دوبجے شروع ہوگا۔ بھارت کو انگلینڈ میںتینوںطرز کی کرکٹ میں بدترین شکست ہوئی تھی۔ عالمی کپ جیتنے کے بعد ہوم گرانڈ پرانہیں پہلی سیریز میں کھویاہوا اعتماد بحال کرنے کاچیلنج درپیش ہے۔ لیکن ٹنڈولکر،سہواگ اورظہیرسمیت کئی اہم کھلاڑی ابھی تک ان فٹ ہیں۔ اوپنرگوتم گمبھیر کی واپسی خوش آئندہے۔ انگلینڈ کیلئے بھارت کوانہی کی وکٹوں پر ہراناہرگزآسان نہیں ہے اور انہیںفتوحات کاتسلسل برقراررکھنے کیلئے سخت محنت کرنا ہوگی۔ تاہم جوناتھن ٹروٹ اورکیون پیٹرسن کی واپسی سے انگلینڈ کی بیٹنگ مضبوط ہوئی ہے۔ اسپن وکٹوں کیلئے انکے پاس گریم سوان اورسمت پٹیل موجود ہیں۔ جبکہ فاسٹ بولنگ میں انگلینڈ کو میزبان ٹیم پرواضح برتری حاصل ہے۔
قذافی سٹیڈیم لاہور میں موجود امپائرز روم علیم ڈار کے نام
بھارت اور انگلینڈ آج پہلے ون ڈے کیلئے مدمقابل
