بھمبر پولیس کی منشیات فرو شوں کیخلاف بڑی کاروائی 2264 شراب کی بوتلیں پکڑ لی گئیں
Posted on August 29, 2012 By Geo Urdu سٹی نیوز
بھمبر (ڈسٹرکٹ رپورٹر ) بھمبر پولیس کی منشیات فرو شوں کیخلاف بڑی کاروائی 2264 بوتل شراب لاہور سے کوٹلی سمگل کرتے ہوئے پکڑ لی گئی 2منشیات سمگلر بمعہ گاڑی گرفتار ۔تفصیلات کیمطابق سپرنٹینڈنٹ پولیس جمیل احمد جمیل کی خصوصی ہدایت پربھمبر پولیس کی منشیات فروشوں کیخلاف بڑی کاروائی گزشتہ روزایس ایچ او علی بیگ چوہدری محمد امین نے نفری کے ہمراہ لاہور سے کوٹلی جانے والی ہنڈائی نمبری LZJ 9652کو علی بیگ چوکی پر روکا اور اسکی تلاشی لی تو اس میں2264 بوتل شراب لوڈ تھی۔
جس میں 64 بوتل اعلیٰ کوالٹی کی ولایتی شراب جبکہ 2200 بوتل دیسی شراب برآمد کرکے 2 ملزمان علی شیر ولد محمد شفیع ساکن فیصل آباد ، عاطف زبیر ولد محمد زبیر ساکن لاہور کو گاڑی سمیت گرفتار کرکے مقدمہ درج کرکے مزید تفتیش شروع کر دی بھمبر کے سیاسی ، عوامی اور سماجی حلقوں نے پولیس کی احسن کارکردگی پر خراج تحسین پیش کیا ہے ۔
