تاجر اتفاق گروپ کوئی جعلی ووٹ کاسٹ نہیں ہونے دے گا :چوہدری شیراز جوئیہ
Posted on June 26, 2012 By Geo Urdu گجرات
گجرات (جی پی آئی)چوہدری شیراز جوئیہ ، فاروق بٹ، مرزا شفقت اللہ، اور تاجر اتفاق گروپ کے رہنماء ملک عبداللہ آف عبداللہ میڈیکل سٹور ریلوئے روڈ گجرات نے کہا ہے کہ تاجر اتفاق گروپ کوئی جعلی ووٹ کاسٹ نہیں ہونے دے گا اور ریلوے روڈ کے انتخابات مثالی ہونگے ہم مخالفت برائے مخالفت کی سیاست نہیں کرتے۔
تاجر اتحاد گروپ کے الزامات کو جواب دینے کا حق ہے 7سال کے دور میں شیخ فضل باری کی کارکردگی صفر رہی ٹریڈرز ایسوسی ایشن کو سیاسی لوگوں کے ہاتھوں کا کھلونا بنا کر رکھا گیا تاجر اتفاق گروپ ریلوئے روڈ کی ٹریڈرز ایسوسی ایشن کے وقار میں اضافہ کرے گا سکیورٹی کے نظام کو فول پروف بنایا جائے گا جو ڈکیتیاں ہوئیں انہیں برآمد کرایا جائے گا۔
انہوں نے کہا کہ تاجر اتفاق گروپ کے امیدوار برائے صدر ملک سرفراز اور جنرل سیکرٹری کے امیدوار مرزا خالد محمود اپنی خداداد صلاحیتوں کو بروئے کار لا کر تاجر برادری کی بہتر انداز میں خدمت کر سکیں گے ۔
