کراچی (جیوڈیسک) ایم کیو ایم کی رابطہ کمیٹی نے عائشہ منزل بم دھماکے میں ایم کیو ایم کے کارکنوں اور ہمدردوں کی شہادت پر آج یوم سوگ منانے کا اعلان کیا ہے۔ ایم کیو ایم کے قائد الطاف حسین نے بھی اس فیصلے کی توثیق کر دی۔ آج ایم کیو ایم کی تنظیمی اور سیاسی سرگرمیاں معطل رہیں گی ، شہیدوں کے لئے قرآن خوانی کی جائے گی جبکہ ٹرانسپورٹ اور دکانیں معمول کے مطابق کھلی رہیں گی۔
الطاف حسین نے بس دھماکے کے شہدا کے لواحقین کو فی کس 2 لاکھ روپے دینے اور زخمیوں کی مالی معاونت کی بھی ہدایت کی ہے اور حکومت سندھ سے بھی مالی امداد دینے کا مطالبہ کیا ہے۔
واضح رہے کہ گزشتہ روز کراچی میں عائشہ منزل کے قریب ایم کیو ایم کے جلسے سے واپسی پر کارکنان کی کھڑی بس میں دھماکا ہوا تھا جس کے نتیجے میں 4 افراد جاں بحق اور 27 زخمی ہو گئے تھے۔
صدر زرداری نے وزیراعظم کو ہنگامی طور پر کراچی طلب کرلیا
طاہر القادری کا لانگ مارچ، ن لیگ کا اہم اجلاس آج طلب
